ءوڭىر باسشىسى نۇرلان نوعاەۆتىڭ وكىمىمەن دينارا جۇماشەۆا ماڭعىستاۋ وبلىسىنىڭ ءبىلىم باسقارماسىنىڭ باسشىسى بولىپ تاعايىندالدى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
دينارا ناعيموللاقىزىنىڭ «تاريح ءپانىنىڭ مۇعالىمى» جانە «زاڭگەر» ماماندىقتارى بويىنشا جوعارى ءبىلىمى بار, تاريح عىلىمدارىنىڭ ماگيسترى.
ەڭبەك جولىن 1997 جىلى ورتا مەكتەپتە تاريح جانە ەكونوميكا پاندەرىنىڭ مۇعالىمى بولىپ باستادى.
2002-2006 جىلدار ارالىعىندا ماڭعىستاۋ وبلىسىنىڭ ءبىلىم دەپارتامەنتىندە باس مامان, 2006-2007 جىلدار ارالىعىندا وبلىستىڭ تىلدەردى دامىتۋ جونىندەگى باسقارماسىندا ءبولىم باستىعى, 2007 – 2009 جىلدار ارىلىعىندا اتالعان باسقارما باسشىسىنىڭ ورىنباسارى قىزمەتتەرىن اتقارعان.
2009-2010 جىلدار ارالىعىندا ماڭعىستاۋ وبلىسى اكىمدىگىنىڭ ءبىلىم باسقارماسىنىڭ تاربيە جۇمىستارى ءبولىمىنىڭ باسشىسى, 2010-2011 جىلدار ارالىعىندا اقتاۋ قالالىق ءبىلىم ءبولىمىنىڭ باستىعى, 2011-2015 جىلدار ارالىعىندا وبلىستىق ءبىلىم باسقارماسىنىڭ باسشىسى بولدى.
2015 جىلى وبلىستىق تەحنيكالىق جانە كاسىپتىك ءبىلىم بەرۋدىڭ وقۋ-ادىستەمەلىك كابينەتىنىڭ ادىسكەرى, 2015-2017 جىلدار ارالىعىندا وبلىس اكىمدىگىنىڭ «تىلدەردى وقىتۋ, مەملەكەتتىك قىزمەتشىلەردى قايتا دايارلاۋ جانە ولاردىڭ بىلىكتىلىگىن ارتتىرۋ» وڭىرلىك ورتالىعىنىڭ ديرەكتورى, 2017-2018 جىلدار ارالىعىندا قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماڭعىستاۋ وبلىستىق فيليالىنىڭ ديرەكتورى قىزمەتتەرىن اتقاردى.
2018 جىلدىڭ ناۋرىز ايىنان باستاپ 2022 جىلدىڭ ناۋرىز ايىنا دەيىن «قازاقتەڭىزكولىكفلوتى» ۇلتتىق تەڭىز كەمە قاتىناسى كومپانياسىنىڭ باس ديرەكتورىنىڭ جۇرتشىلىقپەن بايلانىس جونىندەگى كەڭەسشىسى قىزمەتىن اتقاردى.
ءوڭىر باسشىسى نۇرلان نوعاەۆ ۇجىمعا باسقارمانىڭ جاڭا باسشىسىن تانىستىرىپ, جۇمىسىنا تابىس تىلەدى.