فۋتبولدان قازاقستان چەمپيوناتىنىڭ 12-تۋرى اياسىندا ءتورت كەزدەسۋ جوسپارلانعانىمەن, اۋا رايىنىڭ قولايسىزدىعىنا بايلانىستى ەكى ماتچ وتپەي قالدى.
«قايرات» ءوز الاڭىندا «شاحتەردى» قابىلدادى. وسىنىڭ الدىنداعى التى ويىندا جەڭىسكە جەتە الماي, وتكەن تۋردا «استانادان» ويسىراي ۇتىلعان الماتىلىقتار وسى جولى «شاحتەردى» 2:0 ەسەبىمەن جەڭدى. «اتىراۋ» مەن «استانا» ماتچىن دا جانكۇيەرلەر قىزىعا تاماشالادى. وتە تارتىستى وتكەن كەزدەسۋ 1:1 ەسەبىمەن تەڭ اياقتالدى.
«ورداباسى» مەن «اقسۋ» اراسىنداعى ماتچتىڭ 8-مينۋتىندا كارىم سۇلتانوۆ الاڭ يەلەرىن العا شىعارعان ەدى. الايدا قاتتى سوققان جەلدەن شىمكەنتتەگى ستاديوننىڭ شاتىرى قۇلاپ, باسەكە توقتاتىلدى. سونداي-اق «تۇران» مەن «اقتوبە» كەزدەسۋى دە كەيىنگە شەگەرىلدى.