سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتى رىسقالي ابدىكەروۆ جەزقازعان قالاسىنىڭ تۇرعىندارىمەن كەزدەسۋدە كونستيتۋتسياعا وزگەرىستەر مەن تولىقتىرۋلار ەنگىزۋ جونىندەگى الداعى رەسپۋبليكالىق رەفەرەندۋمدى تالقىلادى.
سەناتور الداعى وقيعانىڭ ماڭىزىنا توقتالا كەلىپ مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان جاڭا قازاقستاننىڭ قۇرىلىسى ساياسي رەفورماسىز جۇزەگە اسۋى مۇمكىن ەمەستىگىن اتاپ ءوتتى.
«جاڭا ۇلگىدە ءوسىپ-وركەندەۋ بويىنشا پارلامەنت پەن ءماسليحاتتاردىڭ ءرولى ايتارلىقتاي كۇشەيە تۇسەدى, ازاماتتاردىڭ مەملەكەت تىنىس-تىرشىلىگىنە قاتىسۋى ايتارلىقتاي كەڭەيەدى, قۇقىق قورعاۋ سالاسى جۇيەلى تۇردە نىعايا تۇسەدى. رەفەرەندۋمعا قاتىسۋ ءاربىر ازاماتتىڭ كونستيتۋتسيالىق قۇقىعىن ىسكە اسىرۋدىڭ كەپىلى بولىپ تابىلادى جانە بۇل ورايدا قوعام قايراتكەرلەرى مەن بەلسەندىلەرگە ماڭىزدى ءرول بەرىلەدى», دەپ اتاپ ءوتتى رىسقالي ابدىكەروۆ.
سەناتور سونداي-اق قالا اكىمدىگىندە دە بولدى. اكتيۆ الدىندا ءسوز العان ول كونستيتۋتسياعا ەنگىزىلەتىن تۇزەتۋلەر تاۋەلسىز قازاقستان تاريحىندا ءادىل مەملەكەت قۇرۋدىڭ جاڭا كەزەڭىنىڭ باستاۋى بولاتىنىن اتاپ ءوتتى.