دۇنيەجۇزىلىك گيمنازياداعا قازاقستان نامىسىن قورعاۋعا اتتانعان وقۋشىلار جارىستاردىڭ العاشقى 3 كۇنىندە 14 مەدال ەنشىلەدى, دەپ حابارلايدى Egemen.kz.
«وتكەن اپتادا ءبىز 250-گە جۋىق وقۋشىمىزدى فرانتسياعا شىعارىپ سالدىق. ولار العاش رەت دۇنيەجۇزىلىك گيمنازياداعا قاتىسىپ, الەمنىڭ 70-كە جۋىق ەلىنەن كەلگەن قۇرداستارىمەن باق سىناسىپ جاتىر. جارىستىڭ العاشقى 3 كۇنىندە وقۋشىلارىمىز 14 مەدال جەڭىپ الدى. ۇلتتىق قۇراما قورجىنىندا 8 التىن, 3 كۇمىس جانە 3 قولا مەدال بار. دزيۋدو, تاەكۆوندو جانە ءجۇزۋ جارىستارىنا قاتىسۋشىلار التىن, جەڭىل اتلەتتەر مەن دزيۋدوشىلار كۇمىس, سونداي-اق دزيۋدوشىلار مەن تاەكۆوندوشىلار قولا جۇلدەگەر اتاندى», دەپ جازدى قر ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا.
مينيستر بارلىق جەڭىمپازدى جەڭىسىمەن قۇتتىقتادى.
ء«ار مەدال – ەڭبەكتىڭ, تاباندىلىقتىڭ, ەڭبەكقورلىق پەن ءتارتىپتىڭ جەمىسى. جاقسى دايىندىق دەڭگەيىن كورسەتكەن مۇعالىمدەرىڭىز بەن جاتتىقتىرۋشىلارىڭىزعا, سونداي-اق قولداۋ كورسەتكەن اتا-انالارىڭىزعا العىس ايتامىن», دەپ جازدى ول.