فرانتسيانىڭ نورمانديا قالاسىندا 2004-2006 جىلدارى تۋعان وقۋشىلار اراسىنداعى گيمنازيادا ءوتىپ جاتىر. بۇل باسەكەدە قازاق تاەكۆوندوشىلارى 3 التىن جانە 2 قولا مەدال جەڭىپ الدى, دەپ حابارلايدى Egemen.kz.
ۇلدار اراسىندا اكرامات دولگيەۆ 48 كەلىدە قارسىلاس شاق كەلتىرمەي, گيمنازيادادا توپ جارسا, قىزدار اراسىندا 49 كەلىدەگى ريتا باكيشەۆا مەن 55 كەلىدەگى ازيزا قارادجانوۆا جەڭىمپاز اتاندى.
ال 44 كەلىدە نارگيز مەرامبەك پەن 73 كەلىنىڭ وكىلى بەكارىس بەكەنوۆ وقۋشىلار سىنىندا قولا جۇلدە يەلەندى. وسىلايشا ۇلتتىق قۇرامامىز جالپى كوماندالىق ەسەپتە كوش باستادى.
جاستار قۇراماسىنىڭ اعا باپكەرى نۇربولات جاڭبىروۆتىڭ ايتۋىنشا, الەمدىك الامانعا ەلىمىزدەن 10 تاەكۆوندوشى اتتانعان: 5 ۇل جانە 5 قىز. بارلىعى ۇلتتىق قۇراما مۇشەسى. بيىلعى گيمنازياداعا الەمنىڭ 64 ەلىنەن 3600 سپورتشى قاتىسىپ جاتىر. ولار سپورتتىڭ 17 تۇرىنەن جانە پاراليمپيادالىق ءۇش سىننان جۇلدەگە تالاسادى.