مەملەكەت باسشىسى قاسىم-جومارت توقاەۆتىڭ تۋعان كۇنىنە بايلانىستى جولدانعان قۇتتىقتاۋلار لەگى جالعاسۋدا, دەپ حابارلايدى Egemen.kz.
«پرەزيدەنتتىڭ تۋعان كۇنىنە وراي حورۆاتيا پرەزيدەنتى زوران ميلانوۆيچ, ارمەنيا رەسپۋبليكاسىنىڭ پرەزيدەنتى ۆااگن حاچاتۋريان, ارمەنيا رەسپۋبليكاسىنىڭ پرەمەر-ءمينيسترى نيكول پاشينيان, تاتارستان پرەزيدەنتى رۋستام ميننيحانوۆ, شانحاي ىنتىماقتاستىق ۇيىمىنىڭ باس حاتشىسى چجان مين جانە ازياداعى ءوزارا ءىس-قيمىل جانە سەنىم شارالارى جونىندەگى كەڭەس حاتشىلىعىنىڭ اتقارۋشى ديرەكتورى قايرات سارىباي قۇتتىقتاۋ جەدەلحاتىن جولدادى», دەپ جازادى بورت№1 تەلەگرام-ارناسى.
قازاقستان پرەزيدەنتىنىڭ تۋعان كۇنىنە بايلانىستى كەشە دە شەت مەملەكەتتەردىڭ باسشىلارىنان, پارلامەنت توراعالارىنان, ۇكىمەت باسشىلارىنان جانە شەتەلدىك مەملەكەتتىك ورگانداردىڭ, حالىقارالىق ۇيىمدار مەن ديپلوماتيالىق ميسسيالاردىڭ, كوممەرتسيالىق مەكەمەلەردىڭ جەتەكشىلەرىنەن, شىعارماشىلىق جانە عىلىمي زيالى قاۋىم وكىلدەرىنەن قۇتتىقتاۋلار كەلىپ تۇسكەن.