الماتى حايۋاناتتار باعىندا گيمالاي ايۋىنىڭ تۇڭعىش قونجىعى ومىرگە كەلدى, دەپ حابارلايدى Egemen.kz.
قونجىقتىڭ ياشين مەن ۋسسۋري ەسىمدى اتا-اناسى وتكەن جىلدىڭ مامىر ايىندا رەسەيدەن الماتى زووباعىنا كوشىرىلگەن. زووباقتىڭ ءباسپاسوز قىزمەتى بۇل قونجىق - ايۋلاردىڭ تۇڭعىش ءتولى ەكنەنىن ايتادى.
ء«بىز بۇعان وتە قۋانىشتىمىز. كىشكەنتاي قونجىق 18 قاڭتاردا تۋعان. بەس ايداي ول اناسىمەن بىرگە ارنايى بولمەدە تۇرىپ كەلگەن. وسى ۋاقىت بويى ءبىز اناسى مەن قونجىقتى مازالامادىق. ۋسسۋري ءوز قونجىعىن ەرەكشە مەيىرىممەن ءوسىرىپ كەلەدى. قونجىق ءوسىپ, جەتىلىپ, كۇش-قۋات جيناعان سوڭ عانا ولار ۇلكەن قورشاۋعا اۋىستىرىلدى. زووباق قوناقتارى قونجىقتى سول جەردەن كورە الادى», دەدى زووباق قىزمەتكەرلەرى.
زووباقتىڭ ءباسپاسوز قىزمەتى قونجىققا ەسىم بەرۋ ءۇشىن الەۋمەتتىك جەلىدە وقىرمانداردان جاقسى نۇسقالاردى جازىپ, ۇسىنىس-پىكىرلەر قالدىرۋدى سۇرادى.
«جاقسى قويىلعان اتتى جىرتقىشتار ءبولىمىنىڭ ايۋلارعا قارايتىن ماماندارى تاڭداپ الادى. ناتيجەسىن بىرەر كۇننەن سوڭ جاريالايمىز», دەپ قوستى زووباق قىزمەتكەرلەرى.