يمپورتقا تاۋەلدى ءونىم ءوندىرۋ سالاسىندا جۇمىس ىستەيمىن دەگەندەرگە ۇلكەن مۇمكىندىك بار. بۇل تۋرالى بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ ايتتى, دەپ حابارلايدى Egemen.kz.
«مال شارۋاشىلىعى – وتاندىق اۋىل شارۋاشىلىعىنداعى ءداستۇرلى ءارى جەتەكشى سالانىڭ ءبىرى. مەملەكەت مال باسىن كوبەيتىپ, مال شارۋاشىلىعى ونىمدەرىن ءوندىرۋ ءۇشىن ارنايى قولداۋ كورسەتىپ كەلەدى. ونىڭ ىشىندە ينۆەستيتسيالىق جوبالاردى ىسكە اسىرۋ, تەحنيكا مەن جابدىقتاردى ساتىپ الۋ كەزىندە شىعىنداردى وتەۋگە قارجى قاراستىرىلعان. ستاتيستيكالىق دەرەكتەرگە سۇيەنسەك, مال شارۋاشىلىعى وڭ قارقىنمەن ءوسىپ كەلەدى. وسى ورايدا مال شارۋاشىلىعى ازىق-ت ۇلىك قاۋىپسىزدىگىنىڭ ماڭىزدى ەلەمەنتى ەكەنىن دە ايتا كەتكەن ءجون», دەدى ۇكىمەت باسشىسى.
ونىڭ دەرەگىنشە, الەۋمەتتىك ماڭىزى بار 19 ءونىمىنىڭ تورتەۋى يمپورتقا تاۋەلدى. ولار – قۇس ەتى, شۇجىق, ءسۇت جانە ءسۇت ونىمدەرى.
«سوندىقتان بۇل سالادا جۇمىس ىستەيمىن دەگەندەرگە ۇلكەن مۇمكىندىك بار. ءبىزدىڭ الدىمىزدا تۇرعان اسا ماڭىزدى مىندەت – وسى ءونىم تۇرلەرىن شىعارۋدا وتاندىق وندىرۋشىلەردىڭ ۇلەسىن 100 پايىزعا دەيىن ارتتىرۋ. اسىرەسە, شيكىزاتتى تەرەڭ وڭدەۋ جوبالارىن ىسكە اسىرۋعا باسا نازار اۋدارىپ, سىرتقى نارىقتارعا شىعۋدى دا ەسكەرۋ قاجەت», دەدى ءاليحان سمايىلوۆ.