الەمدىك Nickelodeon HD تەلەارنا قازاق تىلىندە كورسەتىلە باستادى, دەپ حابارلايدى Egemen.kz اقپارات جانە قوعامدىق دامۋ مينيسترلىگىنە سىلتەمە جاساپ.
اقپارات جانە قوعامدىق دامۋ مينيسترلىگىنىڭ اقپارات كوميتەتى «بالالارعا ارنالعان مەملەكەتتىك تىلدەگى كونتەنتى ۇلعايتۋ ماقساتىندا تانىمال بالالار ارنالارىن مۋلتيپليكاتسيامەن قازاق تىلىنە اۋدارۋ» جوباسىنىڭ جۇزەگە اسىرىلىپ جاتقاندىعىن مالىمدەدى. سونىڭ اياسىندا «Tiji» جانە «Nickelodeon HD – بالالار مەن جاسوسپىرىمدەرگە ارنالعان الەمدىك تانىمال تەلەارنا قازاق تىلىندە كورسەتىلە باستادى.
كۇللى جەر بەتىنە تانىمال «سپانچ بوب شارشى شالبار», «قۇتقارۋشى كۇشىكتەر», «قاۋىپتى گەنري», «تىنىمسىز بالاقايلار», «سەم مەن كەت» جانە باسقا دا ەڭ تانىمال انيماتسيالىق سەريالدار ەندى قازاق تىلىندە بالالارعا جول تارتادى.