پاۆلوداردا ءبىر جارىم جاسار قىز توعىزىنشى قاباتتان قۇلاپ كەتتى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
قايعىلى جاعداي تولستوي كوشەسى, 90 مەكەنجايىنداعى تۇرعىن ۇيدە بولدى. قىز توعىزىنشى قاباتتان دۇكەننىڭ ۇستىنە قۇلاعان.
وڭىرلىك دەنساۋلىق ساقتاۋ باسقارماسىنىڭ مالىمەتىنشە, بالاعا اۋىر باس سۇيەك-مي جاراقاتى, تراۆماتيكالىق شوك دياگنوزى قويىلعان.
«زارداپ شەگۋشىنىڭ جاعدايى وتە اۋىر, ول ينوتروپتى قولداۋ جانە وكپەنى جاساندى جەلدەتۋ اپپاراتىنا قوسىلعان», دەپ مالىمدەدى دارگەرلەر.
ءبۇلدىرشىن وبلىستىق بالالار اۋرۋحاناسىنىڭ جانساقتاۋ بولىمىندە جاتىر.