قازاقستاندىق اننا دانيلينا رابات (ماروككو) WTA جارىسىنىڭ ىرىكتەۋ سايىسىن ءساتتى باستادى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
قازاقستاندىق تەننيسشى ىرىكتەۋ سايىستارىنىڭ جارتىلاي فينالىندا جاپونيالىق ەنا شيباحارامەن شەبەرلىك بايقاستى. اننا دانيلينا قارسىلاسىن 6:2, 6:3 ەسەبىمەن تىزە بۇكتىردى. ساعات جارىمعا جۋىق ۋاقىتقا سوزىلعان ماتچتا قازاقستاندىق تەننيسشى 15 برەيك-پوينتتىڭ التاۋىن پايدالاندى. ە.شيباحارا 2 ەيس, 2 برەيكپەن كوزگە ءتۇستى. دانيلينا ىرىكتەۋ سايىستارىنىڭ فينالىندا رەسەيلىك ەكاتەرينا رەينگولدپەن كەزدەسەدى. ونى جەڭسە, نەگىزگى جارىسقا جولداما الادى.