قىزىلوردا وبلىسىنىڭ جاڭاقورعان اۋدانىنداعى «جاڭارعان جاڭاقورعان جاستارى» قوعامدىق قورى جومارت جانداردىڭ دەمەۋىمەن ەكى ءۇي سالىپ, مۇقتاجدارعا سىيعا تارتتى. وسىلايشا, جاقسىلىققا جۇمىلعان جاستار جەرلەستەرىنە سىيلاعان باسپانا سانىن سەگىزگە جەتكىزدى.
بۇل جولى جابىرقاعاننىڭ جانىنان تابىلعانداردىڭ كومەگى ەكى بالاسىن جەتكىزىپ وتىرعان مۇگەدەك جان مەن ۇيلەرى قۇلاۋ قاۋپىندە تۇرعان كوپبالالى وتباسىنا ءتيىپ وتىر.
اۋدان اكىمى مۇرات تىلەۋىمبەتوۆ باسپانالى بولىپ جاتقان وتباسىلاردى قۇتتىقتاپ, قۇرىلىسقا اتسالىسقان ءبىر توپ كاسىپكەر مەن جاستارعا «العىس حات» تابىستادى. كەيىنگى جىلدارى عانا تۇرعىندار قونىستانا باستاعان جاڭا اۋدان مەن ورتالىق ستاديون ماڭىننان ءۇي سالىپ, قينالىپ جۇرگەن جاندارعا قامقورلىق تانىتىپ, ساۋاپتى ءىس جاساعان جاستارعا اۋداننىڭ باس يمامى ابدىحالىق قاجى ماحمۇت ۇلى مەن جەرلەستەرى ريزاشىلىعىن جەتكىزدى.
قىزىلوردا