پاۆلوداردا ايەل توعىزىنشى قاباتتاعى پاتەردىڭ تەرەزەسىنەن قۇلاپ كەتتى. بۇل تۋرالى پاۆلودار وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
«11 مامىر كۇنى ساعات 14.37-دە وبلىستىڭ توتەنشە جاعدايلار دەپارتامەنتىنىڭ «112» پۋلتىنە 1993 جىلعى ايەلدىڭ «ەكسترامەد» مەديتسينالىق پۋنكتىنىڭ جوعارعى جاعىنداعى پاتەردىڭ توعىزىنشى قاباتىنان قۇلاپ كەتكەنى تۋرالى حابارلاما ءتۇستى», دەپ حابارلادى تجد.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ حابارلاۋىنشا, زارداپ شەگۋشى 1-ءشى قالالىق اۋرۋحانانىڭ جانساقتاۋ بولىمىنە جاتقىزىلدى.
دياگنوزى – پوليجاراقات, بۇعانا سۇيەگىنىڭ ورتاڭعى ۇشتەن ءبىر بولىگىنىڭ جابىق سىنۋى, سول جاقتا 5-6-7 قابىرعاسىنىڭ سىنۋى, سول جاق بىلەك استىنىڭ ۇشتەن ءبىر بولىگىنىڭ سىنۋى, مي شايقالۋ جانە الكوگولدىك ينتوكسيكاتسيا.
ايانا توعانبەك