الماتى قالاسىنىڭ مادەنيەت باسقارماسىنا قاراستى مەملەكەتتىك قۋىرشاق تەاترى 20-25 ءساۋىر ارالىعىندا ت.احتانوۆ اتىنداعى اقتوبە وبلىستىق دراما تەاترىنىڭ ۇيىمداستىرۋىمەن وتكەن V حالىقارالىق BALAUSA ەكسپەريمەنتالدى سپەكتاكلدەر فەستيۆالىنە قاتىسىپ, باس جۇلدەنى يەلەندى. اقتوبە وبلىستىق مادەنيەت, قۇجاتتاما جانە ارحيۆتەر باسقارماسىنىڭ قولداۋىمەن جۇزەگە اسقان مادەني جوبادا حالىقارالىق جانە رەسپۋبليكالىق 23 تەاتر باق سىناستى.
ىرىكتەلگەن سەگىز تەاتر ىشىنەن وزا شاپقان ونەر ۇجىمى اتالعان فەستيۆالگە «ماكبەت. يلليۋزيا» قويىلىمىمەن قاتىسىپ, «ۇزدىك قويىلىم» جانە «ۇزدىك ستسەنوگرافيا» نوميناتسيالارىن قانجىعاسىنا بايلادى.
شىندىق پەن ەلەس, امبيتسيا مەن كۇش, كىنا مەن وكىنىش... باتىل ءارى اسىل ادامنىڭ ز ۇلىمعا اينالۋى ونى قۇمارلىقتىڭ ق ۇلى ەتەدى. يلليۋزيالىق سانا داعدارىسىنا ۇشىراعان ماكبەت ۇرپاق ءسۇيۋ جولىندا سوقىر ۇمىتكە سەنىپ, قولىن قانعا بويايدى. ادامزاتقا ورتاق ماسەلەنى ءبىر وتباسىنىڭ تاعدىرىمەن سۋرەتتەگەن اعىلشىن دراماتۋرگى ۋيليام شەكسپيردىڭ كەيىپكەرلەرى العاش رەت قۋىرشاق بەينەسىندە ءتىل قاتتى.
ايتا كەتەيىك, قويىلىمنىڭ رەجيسسەرى – د.جۇماباەۆا, سۋرەتشىسى – يۋ.چەرنوۆا, بالەتمەيستەرى – ا.تسوي, كومپوزيتورى – گ.يۋن.
اتالعان فەستيۆال ادەتتەگىدەي تەاتر ونەرىن دامىتىپ, شىعارماشىلىق توپتاردىڭ الەۋەتىن قولداۋ, جاڭا بۋىننىڭ قالىپتاسۋىنا ءھام شىعارماشىلىق باستاماسىن ىنتالاندىرۋ, تەاتر ۇجىمدارى اراسىندا تاجىريبە الماسۋىنا جاعداي جاساۋ ماقساتىندا ۇيىمداستىرىلىپ وتىر.
تەاترتانۋشى, قازىلار القاسىنىڭ توراعاسى ەركىن جۋاسبەك باس جۇلدەنى يەلەنگەن سپەكتاكل مازمۇنىن ايتا كەلە: «مەدەيا», «انا-جەر انا», «اباي», ەندى مىنە «ماكبەت»... تەاتردىڭ كەيىنگى بەس جىلداعى جاڭا باعىتى شىن مانىندە «قۋىرشاق تەاترى» دەگەن قاساڭ تۇسىنىكتى جوققا شىعاردى. قازىر بۇل تەاتردىڭ اتاۋىن اتاعاندا اۋزىمىزدى تولتىرىپ ايتامىز. ءدال قازىر تەاتردىڭ اكتەرلىك ونەرىنىڭ, رەجيسسۋراسىنىڭ شىن مانىندە ناتيجەسىن بەرگەنىنە كۋا بولىپ وتىرمىز. ءوز كورەرمەندەرى, ءار جاستاعى بالالارعا ارنالعان سپەكتاكلدەرى ءوز باعىت-باعدارىمەن قويىلىپ جاتىر. ال «ماكبەت» ادامدى تىتىركەندىرەتىن اسەرلى قويىلىم بولدى», دەدى.
سپەكتاكلدە باس كەيىپكەر ماكبەتتى – شوقان قۇلنازاروۆ, لەدي ماكبەتتى – جانار ماقاشەۆا ساحنالادى.
فەستيۆالگە مەملەكەتتىك قۋىرشاق تەاترىنان بولەك ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى (نۇر-سۇلتان), شىعىس قازاقستان وبلىستىق «داريعا-اي» جاستار تەاترى (سەمەي), س.قوجامقۇلوۆ اتىنداعى جەزقازعان قازاق مۋزىكالىق دراما تەاترى, ا.پۋشكين اتىنداعى ورسك مەملەكەتتىك دراما تەاترى (رەسەي), س.مۇقانوۆ اتىنداعى مەملەكەتتىك قازاق سازدى-دراما تەاترى (سولتۇستىك قازاقستان وبلىسى), ن.ءجانتورين اتىنداعى ماڭعىستاۋ وبلىستىق مۋزىكالىق دراما تەاترى (ماڭعىستاۋ), ت.احتانوۆ اتىنداعى اقتوبە وبلىستىق دراما تەاترىنىڭ ۇجىمدارى قاتىستى.
بۇگىندە بالدىرعانداردان بولەك ەرەسەكتەرگە ارنالعان كەشكى قويىلىمداردى دا ساحنالاپ, جاڭا فورماتقا كوشكەن ونەر ورداسى الەمنىڭ كلاسسيكالىق تۋىندىلارىن قۋىرشاق بەينەسىندە سويلەتىپ ءجۇر.
رەسپۋبليكالىق, حالىقارالىق فەستيۆالدەردە جۇلدەلى ورىندار الىپ جۇرگەن «انا جۇرەگى» (اۆت. ە.يونوۆ, رەج. ا.زايتسەۆ), «انا-جەر انا» (اۆت. ش.ايتماتوۆ, رەج. د.جۇماباەۆا), «مەدەيا» (اۆت. ەۆريپيد, رەج. ا.سالبان), «رومەو مەن دجۋلەتتا» (اۆت. ۋ.شەكسپير, رەج. د.جۇماباەۆا), «مەن ءبىر جۇمباق اداممىن... اباي» (ينستسەنيروۆكا اۆت. ە.لوكشينا, رەج. ا.زايتسەۆ) سىندى ەرەسەكتەرگە ارنالعان قويىلىمدار تەاتر رەپەرتۋارىنان ەرەكشە ورىن الادى.
ايتا كەتەيىك, بۇل قويىلىم 20-30 مامىر ارالىعىندا كونيا قالاسىندا (تۇركيا) وتەتىن XIV تۇركىتىلدەس ەلدەردىڭ حالىقارالىق «مىڭ تىنىس – ءبىر داۋىس» تەاترلار فەستيۆالىنە, سونداي-اق ماۋسىم ايىنىڭ 1-5 كۇندەرى ارالىعىندا نوۆوسيبيرسك قالاسىندا (رەسەي) وتەتىن «پەرەكرەستوك» II حالىقارالىق قۋىرشاق تەاترلارى فەستيۆالىنە ارنايى شاقىرتۋ الىپ, نەگىزگى كونكۋرستىڭ قاتىسۋشىلار تىزىمىنە ەندى.