پرەزيدەنت قاسىم-جومارت توقاەۆتىڭ تۇركياعا مەملەكەتتىك ساپارى اياسىندا ەكى ەل ۇكىمەتتەرى اراسىندا ءبىلىم بەرۋ سالاسىنداعى ىنتىماقتاستىق تۋرالى كەلىسىمگە قول قويىلدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا جاريالادى, دەپ حابارلايدى Egemen.kz.
«كەلىسىمنىڭ باستى باعىتتارى: وقىتۋشىلاردىڭ, پەداگوگتەردىڭ جانە ءبىلىم بەرۋ ۇيىمدارى باسشىلارىنىڭ تاجىريبە الماسۋى. ءبىلىم بەرۋ سالاسىندا جاڭا تەحنولوگيالاردى قولدانۋ بويىنشا تاجىريبە الماسۋ. ءوزارا نەگىزدە ءبىلىم الۋشىلاردىڭ عىلىمي جانە مادەني جوبالارعا قاتىسۋىن ىنتالاندىرۋ. عىلىمي زەرتتەۋلەر مەن كونفەرەنتسيالار وتكىزۋ. بىرلەسكەن باعدارلامالار نەگىزىندە ءبىلىم بەرۋ مەكەمەلەرى اراسىنداعى ىنتىماقتاستىقتى دامىتۋ. جاستار ساياساتى سالاسىنداعى ىنتىماقتاستىقتى دامىتۋ», دەپ جازدى مينيستر.
سونىمەن قاتار قازاقستان مەن تۇركيا ءوز ۋنيۆەرسيتەتتەرىندە جوعارى جانە (نەمەسە) جوعارى وقۋ ورنىنان كەيىنگى ءبىلىم الۋ ءۇشىن ستيپەنديالار ۇسىنادى.
مينيستر اتاپ وتكەندەي, ساپار بارىسىندا بيىل تۇركيادان قازاقستانعا وتكىزىلەتىن حالىقارالىق تۇركى اكادەمياسىنىڭ عىلىمي كەڭەسىنە توراعالىق ەتۋ ماسەلەلەرى تالقىلاندى.