دۇنيەجۇزىلىك بوكس ۇيىمى (WBO) قازاقستاندىق بوكسشى جانىبەك ءالىمحان ۇلى (11-0, 7 كو) مەن بريتاندىق بوكسشى دەنني ديگنۋم (14-0-1, 18 كو) اراسىنداعى الداعى جەكپە-جەكتىڭ مارتەبەسى تۋرالى ايتتى, دەپ حابارلايدى Egemen.kz Sports.kz سايتىنا سىلتەمە جاساپ.
«جەكپە-جەك 21 مامىر كۇنى لاس-ۆەگاستا وتەدى. جانىبەك ءالىمحان ۇلى مەن دەنني ديگنۋم اراسىنداعى الداعى جەكپە-جەك WBO تۇجىرىمى بويىنشا ورتا سالماقتاعى «ۋاقىتشا» تيتۋلى ءۇشىن وتەدى», دەلىنگەن ۇيىم تاراتقان حابارلامادا.
بۇعان دەيىن WBO ءالىمحان ۇلىن دەمەتريۋس اندرادە يەلەنگەن ورتا سالماقتاعى تولىق WBO تيتۋلىنا مىندەتتى قارسىلاس ەتىپ تاعايىنداعان, الايدا امەريكاندىق بوكسشى ونى قورعاعىسى كەلمەي, WBO-نىڭ بۇل كاتەگورياداعى «ۋاقىتشا» چەمپيون اتاعى ءۇشىن زاك پاركەرمەن جۇدىرىقتاسۋ ءۇشىن ەكىنشى سالماققا كوتەرىلدى.