جاڭارتىلعان الەمدىك رەيتينگىندە قازاقستاندىقتار اراسىندا ەڭ ۇزدىك ناتيجە ەلەنا رىباكيناعا تيەسىلى. WTA تىزىمىندە 22 جاستاعى تەننيسشىمىز ءبىر ساتىعا جوعارىلاپ, قازىرگى كەزدە 17-ورىندى يەلەنۋدە.
ەلىمىزدىڭ ەكىنشى راكەتكاسى يۋليا پۋتينتسەۆا «توپ-40» تەننيسشىنى تۇيىندەۋدە. وزگە ويىنشىلارىمىز مىناداي ورىنداردى ەنشىلەپ وتىر: زارينا دياس – 134, اننا دانيلينا – 342, جىبەك كۇلامباەۆا – 498, گوزال اينيتدينوۆا – 570, ياروسلاۆا شۆەدوۆا – 574 جانە ەكاتەرينا دميتريچەنكو – 855. ايەلدەر اراسىندا پولشالىق يگا سۆەنتەككە تەڭ كەلەر ەشكىم تابىلماي تۇر. ودان كەيىنگى ساتىلارعا چەحيالىق باربورا كرەيچيكوۆا, يسپانيالىق پاۋلا بادوسا, گرەكيالىق ماريا ساككاري جانە ەستونيالىق انەتت كونتاۆەيت تابان تىرەدى.
ۋاقىت وزعان سايىن اتر رەيتينگىندەگى جاعدايىمىز ناشارلاي تۇسۋدە. ەلىمىزدىڭ ەڭ ۇزدىك تەننيسشىسى الەكساندر بۋبليك وتكەن اپتامەن سالىستىرعاندا سەگىز ساتىعا قۇلديلاپ, بۇل كۇندەرى 41-ورىندى قاناعات تۇتتى. وزگە وتانداستارىمىز مىناداي ساتىلارعا تۇراقتادى: ميحايل كۋكۋشكين – 163, دميتري پوپكو – 182, تيموفەي سكاتوۆ – 193, دەنيس ەۆسەەۆ – 337, بەيبىت جۇقاەۆ – 490, الەكساندر نەدوۆەسوۆ – 730, گريگوري لوماكين – 856 جانە دوستانبەك تاشبولاتوۆ – 911. ەرلەر سايىسىندا سەربيالىق نوۆاك دجوكوۆيچ دارا تۇر. رەسەيلىك دانيل مەدۆەدەۆ پەن گەرمانيالىق الەكساندر زۆەرەۆ ونى وكشەلەپ كەلەدى.