كوگالداعى حوككەيدەن قازاقستان قۇراماسى ازيا ويىندارىنىڭ ىرىكتەۋ كەزەڭىندە وزبەكستانمەن تەڭ ءتۇستى, دەپ حابارلايدى Egemen.kz.
قازاقستاندىق حوككەيشىلەر بۇگىن وزبەكستانمەن شەبەرلىك بايقاستى. قوس قۇراما 3:3 ەسەبىنە قاناعات ءبىلدىرىپ تاراستى.
ەسكە سالساق, ۇلتتىق قۇراما ا توبىندا سىنعا تۇسۋدە. قارسىلاستارى - ومان, تايلاند, گونكونگ جانە وزبەكستان.
بۇعان دەيىن قازاقستاندىق حوككەيشىلەر تايلاندتان 1:2, وماننان 0:3 ەسەبىمەن ەسە جىبەردى.
ەندى ولار 10 مامىردا گونكونگ قۇراماسىمەن كەزدەسەدى.
ۆ توبىندا بانگلادەش, شري-لانكا, يندونەزيا جانە سينگاپۋر قۇرامالارى وينايدى.
قازاقستاندىق حوككەيشىلەر اتالعان دودانىڭ فينالدىق كەزەڭىندە ەكى مارتە باق سىنادى. 1994 جىلى 6-ورىن السا, 2018 جىلى 11-ورىندى مىسە تۇتتى.
ايانا توعانبەك