بۇگىن قازاقستان قۇراماسى فينليانديادا حوككەيدەن 2022 جىلعى الەم چەمپيوناتىنا دايىندىق اياسىندا لاتۆيا كومانداسىمەن ەكىنشى جولداستىق ماتچ وتكىزەدى, دەپ حابارلايدى Egemen.kz Sports.kz-كە سىلتەمە جاساپ.
لاتۆيا-قازاقستان ويىنىنىڭ تىكەلەي ترانسلياتسياسى نۇر-سۇلتان ۋاقىتى بويىنشا 22:30-دا باستالادى.
لاتۆيا مەن قازاقستان قۇرامالارى اراسىنداعى ءبىرىنشى جولداستىق ماتچ 8 مامىردا وتكەن بولاتىن. بۇل ماتچ 0:5 ەسەبىمەن قازاقستاندىقتاردىڭ جەڭىلىسىمەن اياقتالعان ەدى. لاتۆيالىقتاردان نيكولاي ەليسەەۆ (11 جانە 15-مينۋتتا), كارليس چۋكستە (13-مينۋتتا), وسكارس باتنيا (26-مينۋتتا) جانە اندريس دجەرينش (60-مينۋتتا) شايبا سوقتى.
13-29 مامىر ارالىعىندا حەلسينكي مەن تامپەرەدە (فينليانديا) حوككەيدەن ءاچ-22 وتەدى. قازاقستان قۇراماسى ا توبىندا كانادا, گەرمانيا, شۆەيتساريا, سلوۆاكيا, دانيا, فرانتسيا جانە يتاليا كوماندالارىمەن وينايدى. ەل قۇراماسى تۋرنيردەگى ءوزىنىڭ العاشقى ماتچىن 14 مامىر كۇنى دانيا قۇراماسىمەن وتكىزەدى.
ايانا توعانبەك