جاقىندا ءبىر ساتتە السىزدىكتەن باسىم اۋىرىپ, قان قىسىمىم كوتەرىلىپ, بۇيرەگىمنەن سوققى ۇستاپ, ءوزىمدى وتە ناشار سەزىندىم. ءسويتىپ, تارازداعى №2 قالالىق اۋرۋحاناسىنىڭ نەۆرولوگيا بولىمشەسىنە اۋىر جاعدايدا ءتۇستىم. جاسىم – 51-دە. ارينە, كارىلىك بولسا, اسا ءمان بەرمەس ەدىم. بۇرىن اسا اۋىرا قويماعان, ەڭگەزەردەي, ءىرى دەنەلى, مەن ءتارىزدى ادامعا سىرقاتتانعان دا وڭاي ەمەس ەكەن. قاتتى قينالعاندا, جانىم مۇرنىمنىڭ ۇشىنا كەلگەندەي كورىندى.
وسى كەزدە جانىما ەڭ الدىمەن, دارىگەرلەردىڭ جىلى ءسوزى جەلەۋ بولدى. مەنى عانا ەمەس, سونداعى بارلىق ناۋقاستاردى ىستىق ىقىلاسىمەن ەمدەيتىن دارىگەرلەردى وسى اۋرۋحانادان كوردىم. ساعات سايىن كەلىپ, جاعدايىمدى ءبىلىپ, قاجەت ءدارى-دارمەكتەر ءتىزىمىنىڭ دۇرىس بەرىلۋىن قاداعالاپ جۇرەتىن باس دارىگەر ساۋلە ماماشەۆا باستاعان ۇجىمدا بىردە-ءبىر بىلىكسىز مامان جوق سەكىلدى. اسىرەسە, گۋلام ۋماروۆ پەن ايمان بەكەباەۆا, مەدبيكەلەر گۇلميرا جاقسىباەۆا, مەدەتكۇل سەگىزوۆا, جاس مامان راۋشان باياۋباەۆالاردى اتاماۋعا بولمايدى. جانىنا شيپا ىزدەپ كەلگەن ءار ناۋقاستى سوزگە تارتىپ, جىلى لەبىز كورسەتىپ, اراسىندا قالجىڭداپ, كۇلدىرىپ الاتىن مەدبيكەلەر دە جوق ەمەس. سىرقات ادامعا جىلى ءسوزدىڭ ءوزى شيپا ەمەس پە؟
التىن قولدى, مەيىرىمدى دارىگەرلەردىڭ ارقاسىندا دەنە قىزۋىم باسىلىپ, قان قىسىمىم ورنىنا كەلىپ, قاجەتتى شارالاردان ءوتىپ, ەم-دوم الىپ, جازىلىپ شىقتىم. دارىگەرلەرگە ريزاشىلىعىم شەكسىز.
كەرىمقۇل بەگاليموۆ,
جۋالى اۋداندىق ءماسليحاتىنىڭ دەپۋتاتى.
جامبىل وبلىسى.