ءىس-شارا اتاۋى: تولەرانتتىلىق پەن قازاقستاندىق وتانسۇيگىشتىكتى نىعايتۋ يدەيالارىنا ارنالعان «قازاقستان – دوستىق بەسىگى» اتتى II فوتوكونكۋرس (بۇدان ءارى – ءىس-شارا).
ۇيىمداستىرۋشى: قازاقستان رەسپۋبليكاسى مادەنيەت مينيسترلىگىنىڭ مادەنيەت كوميتەتى.
وتكىزۋ ۋاقىتى: 2014 جىلعى 9 ءساۋىر – 28 شىلدە ارالىعى.
وتكىزۋ ورنى: قازاقستان رەسپۋبليكاسىنىڭ ۇلتتىق اكادەميالىق كىتاپحاناسى, استانا قالاسى, دوستىق كوشەسى, 11.
ءىس-شارانىڭ ماقساتتارى:
قوعامدىق كەلىسىمدى دامىتۋ جانە نىعايتۋ;
قازاقستاندىق باق فوتوسۋرەتشىلەرى مەن فوتوتىلشىلەردىڭ شەبەرلىگىن شىڭداۋعا جاعداي جاساۋ;
قازاقستاننىڭ مادەني الۋانتۇرلىلىگىن ساقتاۋ, مادەنيەتتەردى ءوزارا بايىتۋ, ەتنوسارالىق تولەرانتتىلىقتى نىعايتۋ جانە ساقتاۋ, سونىمەن بىرگە, قوعامداعى ساياسي تۇراقتىلىقتى نىعايتۋ.
ءىس-شارانىڭ مىندەتتەرى:
1) ەتنوسارالىق تولەرانتتىلىق پەن قوعامدىق كەلىسىمنىڭ قازاقستاندىق مودەلىن جۇزەگە اسىرۋ;
2) ۇلتتىق بىرلىك دوكتريناسى پرينتسيپتەرىن جۇزەگە اسىرۋ;
3) وتانسۇيگىشتىك سەزىمىن دامىتۋ جانە قوعامنىڭ جالپى مادەنيەتىن كوركەمدىك ونەر تاربيەسى ارقىلى كوتەرۋ;
4) باق فوتوسۋرەتشىلەرى مەن فوتوتىلشىلەردىڭ كاسىبي وسۋىنە جاعداي جاساۋ;
5) قازاقستاندىق وتانسۇيگىشتىكتى نىعايتۋدا جاڭا قوزقاراس قالىپتاستىرۋ.
ءىس-شارانى وتكىزۋ ءتارتىبى مەن شارتتارى:
1. ءىس-شاراعا قازاقستاندىق باق فوتوسۋرەتشىلەرى مەن فوتوتىلشىلەردىڭ سوڭعى 3 جىل ارالىعىندا ورىنداعان جۇمىستارى قابىلدانادى.
2. قازاقستاندىق باق ءاربىر فوتوسۋرەتشى مەن ءفوتوتىلشىنىڭ جوعارى كاسىبي دەڭگەيدە ورىندالعان, ءىس-شارانىڭ تاقىرىپتىق باعىتىنا سايكەس كەلەتىن 5-تەن كەم ەمەس جانە 15-تەن اسپايتىن فوتوجۇمىستارىن ۇسىنۋى ءتيىس.
3. ءىس-شارانى وتكىزۋ كەزەڭدەرى:
ءى كەزەڭ – فوتوجۇمىستاردى قابىلداۋ (2014 جىلدىڭ 9 ءساۋىر – 31 مامىر ارالىعى);
ءىى كەزەڭ – فوتوجۇمىستاردى ىرىكتەۋ (2014 جىلدىڭ 1-25 ماۋسىم ارالىعى);
ءىىى كەزەڭ – فوتوجۇمىستاردىڭ كورمەسى (2014 جىلدىڭ 25 ماۋسىم مەن 28 شىلدە ارالىعى) جانە جەڭىمپازداردى ماراپاتتاۋ (2014 جىلدىڭ 25-28 ماۋسىم ارالىعى).
4. ءىس-شاراعا دايىندىق جۇرگىزۋ جانە ونى وتكىزۋدى ۇيىمداستىرۋ كوميتەتى جۇزەگە اسىرادى.
5. ءىس-شاراعا قاتىسۋ ءۇشىن فوتوسۋرەتشىلەر ۇستىمىزدەگى جىلدىڭ 31 مامىرىنا دەيىن ۇيىمداستىرۋشىلارعا ءتومەندەگى ماتەريالداردى جولداۋى قاجەت:
1) وسى ەرەجەنىڭ قوسىمشاسىنا سايكەس تولتىرىلعان ءوتىنىم;
2) قاعاز جانە ەلەكتروندى تۇردەگى فوتوجۇمىستار (اتاۋى مىندەتتى تۇردە);
3) كورمەگە قويىلعان سۋرەتتەردىڭ فوتوالبومىن جاساۋ ءۇشىن فوتوجۇمىستاردىڭ قازاق جانە ورىس تىلدەرىندەگى قىسقاشا انىقتاماسى;
4) بۋكلەتتى دايىنداۋ ءۇشىن قاتىسۋشىنىڭ قىسقاشا ءومىربايانى مەن سۋرەتى.
6. كونكۋرسقا ۇسىنىلعان ماتەريالدار قايتارۋعا جاتپايدى.
7. ساراپشىلار كوميسسياسى مەن قازىلار القاسى فوتوسۋرەتشىلەردىڭ ۇزدىك جۇمىستارىن ىرىكتەۋدى جۇزەگە اسىرادى. فوتوجۇمىستاردى قابىلداۋ مەرزىمى اياقتالعاننان كەيىن ءىس-شارانىڭ ءبىرىنشى كەزەڭىن ساراپشىلار كوميسسياسى قامتاماسىز ەتەدى. سودان كەيىن, ساراپشىلار كوميسسياسىمەن ىرىكتەلىپ الىنعان جۇمىستاردى قازىلار القاسى بالدىق جۇيە بويىنشا باعالايدى. ۇزدىك دەپ تانىلعان جۇمىستار ديپلومدارمەن جانە «ءى ورىن», «ءىى ورىن», «ءىىى ورىن» ءۇشىن بەرىلەتىن باعالى سىيلىقتارمەن ماراپاتتالادى, سونداي-اق, ىنتالاندىرۋ ءۇشىن «ديپلومانت» جۇلدەسى بەلگىلەنەدى.
8. قوعامدىق جانە باسقا ۇيىمدار دەمەۋشىلەر ۇيىمداستىرۋ كوميتەتىنىڭ كەلىسىمىمەن ءوز جۇلدەلەرى مەن سىياقىلارىن بەلگىلەۋىنە قۇقىلى.
9. جۇلدە قورى بەكىتىلگەن شىعىستار سمەتاسىنا سايكەس بولىنەدى. جۇلدەلەردى بەرۋ تۋرالى شەشىم اشىق داۋىس بەرۋ نەگىزىندە ىسكە اسىرىلىپ, قازىلار القاسى مۇشەلەرىنىڭ قولدارى قويىلعان حاتتامامەن راسىمدەلەدى.
10. قازىلار القاسىنىڭ شەشىمى ءىس-شارا جەڭىمپازدارىن ماراپاتتاۋ ءراسىمىندە جاريالانادى جانە قايتا قارالمايدى.
11. ءىس-شارا اياسىندا ىرىكتەۋ قورىتىندىسى بويىنشا فوتوكورمە ۇيىمداستىرىلىپ, كورمەنىڭ فوتوالبومى جاسالادى.
12. ءوتىنىم مەن وعان تىركەلەتىن ماتەريالداردى مىنا مەكەنجايعا جىبەرۋ قاجەت:
010000, استانا قالاسى, ورىنبور كوشەسى 8, «مينيسترلىكتەر ءۇيى» عيماراتى, 15-كىرەبەرىس, قازاقستان رەسپۋبليكاسى مادەنيەت مينيسترلىگى, تەل. 8 (7172) 74-04-34, 74-04-57, e-mail: culture.kz@mail.ru.
تولەرانتتىلىق پەن قازاقستاندىق وتانسۇيگىشتىكتى نىعايتۋ يدەيالارىنا ارنالعان «قازاقستان – دوستىق بەسىگى» اتتى II فوتوكونكۋرستى وتكىزۋ تۋرالى ەرەجەگە قوسىمشا
ءىس-شاراعا قاتىسۋعا ءوتىنىم
تومەندە كەلتىرىلگەن مالىمەتتەرى بار قاتىسۋشىنىڭ قولى قويىلعان ءوتىنىم ۇيىمداستىرۋشىلاردىڭ مەكەنجايىنا جولدانۋى قاجەت:
1. ت.ا.ءا.
2. تۋعان كۇنى.
3. مەكەن-جايى مەن تەلەفوندارى كورسەتىلگەن جۇمىس ورنى.
4. قاتىسۋشىنىڭ مەكەنجايى (زاڭدى جانە پوشتالىق).
5. بايلانىساتىن تۇلعانىڭ تەلەفونى, فاكسى, ەلەكتروندى پوشتاسى.
6. فوتوجۇمىستىڭ اتاۋى.
7. فوتوجۇمىستىڭ قىسقاشا انىقتاماسى.
8. جەكە باسىن كۋالاندىراتىن قۇجاتتىڭ كوشىرمەسى (جسن مىندەتتى تۇردە كورسەتىلۋى ءتيىس).