وزبەكستاننىڭ نامىسىن قورعايتىن قازاق بوكسشىسى ەلنۇر ءابدۋرايموۆ لاس-ۆەگاستا (اقش, نەۆادا) وتكەن بوكس كەشىنىڭ اندەركارتىندا جەڭىسكە جەتتى, دەپ حابارلايدى Egemen.kz Vesti.kz-كە سىلتەمە جاساپ.
ونىڭ قارسىلاسى جەڭىلمەگەن كۋبالىق بوكسشى مانۋەل كوررەا بولدى. ەكىنشى جەڭىل سالماقتاعى جەكپە-جەك سەگىز راۋندقا جوسپارلانعانىمەن, ەكىنشىسىندە اياقتالعان.
ءابدۋرايموۆ قارسىلاسىن ەكى رەت نوكداۋنعا ءتۇسىرىپ, تەحنيكالىق نوكاۋتپەن جەڭىسكە جەتتى. وزبەكستاندىق بوكسشى توعىزىنشى كاسىپقوي جەكپە-جەگىندە جەڭىسكە جەتىپ, كوررەا كارەراسىندا العاش رەت جەڭىلگەن.