كەشە ءماجىلىس سپيكەرى ەرلان قوشانوۆتىڭ توراعالىعىمەن جالپى وتىرىس ءوتتى. وندا دەپۋتاتتار «رەسپۋبليكالىق رەفەرەندۋم تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋ ەنگىزۋ تۋرالى» كونستيتۋتسيالىق زاڭ جوباسىنا سەنات ەنگىزگەن تۇزەتۋمەن كەلىستى.
وتىرىستا ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى ارمان قوجاحمەتوۆ سەنات تولىقتىرعان تۇزەتۋ «رەسپۋبليكالىق رەفەرەندۋم تۋرالى» كونستيتۋتسيالىق زاڭنىڭ 3-بابى 2) تارماقشاسىن جاڭا رەداكتسيادا ۇسىنىپ وتىرعانىن اتاپ ءوتتى.
«مەملەكەتتىڭ تاۋەلسىزدىگىن, رەسپۋبليكانىڭ بiرتۇتاستىعى مەن اۋماقتىق تۇتاستىعىن, ونى باسقارۋ نىسانىن, رەسپۋبليكا قىزمەتىنىڭ تۇبەگەيلى قاعيداتتارىن وزگەرتۋ» ماسەلەلەرi رەفەرەندۋم تالقىسىنا قويىلاتىن ماسەلەلەر بولا المايدى.
وسى تارماقشانىڭ قولدانىستاعى رەداكتسياداعى «تاۋەلسىز قازاقستاننىڭ نەگىزىن سالۋشى, قازاقستان رەسپۋبليكاسىنىڭ تۇڭعىش پرەزيدەنتى – ەلباسى ىرگەسىن قالاعان رەسپۋبليكا قىزمەتىنىڭ تۇبەگەيلى پرينتسيپتەرىن جانە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ مارتەبەسىن وزگەرتۋ» دەگەن سوزدەردى پارلامەنت سەناتى الىپ تاستاۋدى ۇسىندى», دەدى ارمان قوجاحمەتوۆ.
جيىن سوڭىندا ءماجىلىس «رەسپۋبليكالىق رەفەرەندۋم تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋ ەنگىزۋ تۋرالى» كونستيتۋتسيالىق زاڭ جوباسىنا پارلامەنت سەناتى ەنگىزگەن تۇزەتۋمەن كەلىستى.