مەكسيكانىڭ ۆەراكرۋز شتاتىندا ىشىندە 280 ميگرانت وتىرعان جۇك كولىگى تابىلدى. بولجام بويىنشا زاڭسىز كىرمەلەر كولىك سىنىپ قالعاندىقتان, جول بويىندا قاراۋسىز قالعان, دەپ جازادى Egemen.kz «حابار 24» ارناسىنا سىلتەمە جاساپ.
پوليتسيا قىزمەتكەرلەرى ولاردىڭ نيكاراگۋا, سالۆادور, كۋبا, ەكۆادور, گۆاتەمالا مەن گوندۋراستان كەلگەنىن حابارلايدى.
اراسىندا 18 ادام ءالى كامەلەت جاسقا تولماعان. كەيبىرەۋلەرى دارىگەرلەردىڭ كومەگىنە جۇگىندى. ءتارتىپ ساقشىلارى كىرمەلەردىڭ قۇجاتتارى انىقتالمايىنشا قاماۋدا وتىراتىنىن حابارلايدى.
«جۇرگىزۋشى كولىككە ارنالعان قوسالقى بولشەكتەردى ىزدەپ تابۋ ءۇشىن تەمىر تۇلپارىن تاستاپ كەتكەن بولار. سىرتتا جۇرگەن تۇرعىندار قامالىپ قالعانداردىڭ قاتتى ايعايىنان ەستىپ قالعان. كۇن بولسا ىسىپ تۇر. ادامدار دەر كەزىندە تابىلماسا, اعزانىڭ سۋسىزدانۋىنان ءبىرازى كوز جۇمار ەدى», دەيدى قىزىل كرەس ۇيىمىنىڭ قىزمەتكەرى حورحە گارسيا.