سيان قالاسىنان (قىتاي) مانگەيمگە (گەرمانيا) جونەلتىلگەن العاشقى جۇك پويىزى اقتاۋ (قازاقستان) پورتىنا كەلگەننەن كەيىن, «Maestro Niyazi» قۇرعاق جۇك كەمەسى ارقىلى گوۆسان پورتىنا جونەلتىلدى. بۇل تۋرالى ازەربايجان كاسپي تەڭىز كەمەجايى (اسكو) حابارلادى, دەپ حابارلايدى Egemen.kz.
فيدەرلىك كەمە حوۆسان پورتىنا 5 مامىردا كەلەدى دەپ كۇتىلۋدە. كونتەينەرلەردى پورتتا اۋىستىرىپ تيەگەننەن كەيىن, پويىز گرۋزيانىڭ پوتي پورتىنا جونەلتىلىپ, ودان ءارى قارا تەڭىز ارقىلى ەۋروپاعا جەتكىزىلەدى.
بۇعان دەيىن EADaily حابارلاعانداي, نەمىس Hellmann Worldwide Logistics (HWL) كومپانياسىنىڭ ازەربايجانداعى وكىلدىگى سەرىكتەستەرىمەن بىرگە ءساۋىر ايىنىڭ سوڭىندا قىتايدان ەۋروپاعا زاكاۆكازە رەسپۋبليكاسى ارقىلى ترانزيتپەن جۇرەتىن بلوكتىق پويىزدىڭ ىسكە قوسىلعانى تۋرالى حابارلادى. HWL بۇعان دەيىن بۇل جۇكتەردى رەسەي ارقىلى ەۋروپاعا تاسىمالداعان.