بيىل حالىقتى ساپالى اۋىزسۋمەن قامتاماسىز ەتۋ كورسەتكىشىن اۋىلداردا - 94,7, ال قالالاردا - 98,5 پايىزعا جەتكىزۋ قاجەت. بۇل تۋرالى بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ ايتتى, دەپ حابارلايدى Egemen.kz.
«جىل سوڭىنا دەيىن حالىقتى ساپالى اۋىزسۋمەن قامتاماسىز ەتۋ كورسەتكىشىن اۋىلداردا - 94,7, ال قالالاردا - 98,5 پايىزعا جەتكىزۋ قاجەت. وسىعان بايلانىستى ءوڭىر اكىمدىكتەرىنە سۋمەن جابدىقتاۋدىڭ كەشەندى جوسپارىن تەز ارادا قايتا ناقتىلاۋدى جانە اپاتتى جاعدايداعى سۋ قۇبىرلارىن شۇعىل تۇردە جوندەۋدى تاپسىرامىن. اۋىزسۋ ماسەلەسى تۇرعىندار ءۇشىن وتە وزەكتى», دەي كەلە پرەمەر-ءمينيستر اربىر شەشىم ۋاقىتىلى قابىلدانىپ, ناتيجەلى بولۋى كەرەكتىگىن باسا ايتتى.
«تۇرعىنداردى سۋمەن قامتاماسىز ەتۋ جونىندەگى وڭىرلىك ساياساتتى ىسكە اسىرۋ بارىسىندا تۇركىستان, باتىس قازاقستان, جامبىل جانە قاراعاندى وبلىستارىنىڭ اكىمدىكتەرى 2023 جىلى ىزدەستىرۋ-بارلاۋ جۇمىستارى مەن جوبالىق-سمەتالىق قۇجاتتاردى دايىنداۋدى اياقتاۋى قاجەت. مۇنىڭ بارلىعى ەلدى مەكەندەردى سۋمەن قامتاماسىز ەتۋ جونىندەگى جوسپارلانعان كورسەتكىشتەردى ساپالى ورىنداۋعا مۇمكىندىك بەرەدى», دەدى ول.