ۇلتتىق اكادەميالىق كىتاپحانادا مادەنيەت جانە سپورت مينيسترلىگىنىڭ قولداۋىمەن ء«ابدىجامىل نۇرپەيىسوۆ: ءومىر سىرى مەن شىعارماشىلىعى» تاقىرىبىندا حالىقارالىق كونفەرەنتسيا ءوتتى.
القالى جيىن حالىق جازۋشىسى, كسرو مەملەكەتتىك سىيلىعىنىڭ لاۋرەاتى, قازاقستاننىڭ ەڭبەك ەرى ءابدىجامىل نۇرپەيىسوۆتى ەسكە الۋعا ارنالدى. ءىس-شارا بارىسىندا وتباسى مۇشەلەرى مەن زامانداس قالامگەرلەرى اۆتور شىعارماشىلىعىنىڭ قىر-سىرى, اۋدارماشىلىق قىزمەتى, ەپيستوليارلىق مۇراسى, اۋدارمالارى, زەرتتەۋلەرى جايىندا ەستەلىكتەر ايتتى.
كونفەرەنتسيادا قازاقستان حالقى اسسامبلەياسىنىڭ دوستىق ەلشىسى مالعوجاتا تۋار (فرانتسيا), «Altyn Qyran Foundation» قق قامقورشىلىق كەڭەسىنىڭ مۇشەسى الىبەك الدەنەي, ءابدىجامىل نۇرپەيىسوۆتىڭ كەلىنى – ايگەرىم نۇرپەيىسوۆا, پروزاشى, اۋدارماشى اناتولي كيم (رەسەي), جازۋشى, فيلولوگيا عىلىمدارىنىڭ دوكتورى ءۋاليحان قاليجان, ەرەۆان مەملەكەتتىك ۋنيۆەرسيتەتىنىڭ تۇركولوگيا كافەدراسىنىڭ مەڭگەرۋشىسى, پروفەسسور الەكساندر سافاريان, ت.ب. ادەبيەتشى-عالىمدار بايانداما جاساپ, جازۋشى مۇرالارىنىڭ زەرتتەلۋ بارىسىنا توقتالدى. ال ماسكەۋ مەملەكەتتىك حالىقارالىق قاتىناستار ينستيتۋتى, ماسكەۋ قالالىق پەداگوگيكالىق ۋنيۆەرسيتەتىنىڭ شەت تىلدەر ينستيتۋتى, رەسەي اۋدارماشىلار وداعىنىڭ كراسنويارسك ايماقتىق فيليالىنىڭ وكىلدەرى (SPR), ءسىبىر فەدەرالدى ۋنيۆەرسيتەتىنىڭ پروفەسسورلىق-وقىتۋشىلار قۇرامى (كراسنويارسك) كونفەرەنتسياعا ونلاين رەجىمدە قاتىستى.