پرەزيدەنت قاسىم-جومارت توقاەۆ قازاقستاندىقتاردى «جاڭا قازاقستان» تۇسىنىگىن بۇرمالاماۋعا شاقىردى, دەپ حابارلايدى Egemen.kz.
«جاڭا قازاقستان - سەرپىندى وزگەرىپ جاتقان الەمدە جالپىۇلتتىق بىرەگەيلىگىمىزدى نىعايتۋدىڭ جولى. «جاڭا قازاقستان» تۇسىنىگىن بۇرمالاماۋ كەرەك.
سونداي ادەتىمىز بار - قانداي دا ءبىر ساياسي جاڭالىق شىقسا, سونىڭ توڭىرەگىندە پىكىرتالاس ءوربيدى, سودان كەيىن بۇل پىكىرتالاس ءجاي مىلجىڭعا اينالادى. قانداي دا ءبىر تۇسىنىك, تەرمين نەمەسە ساياسي كاتەگوريا بۇرمالانىپ, ءبىزدىڭ تۇرعىندارعا, اسىرەسە, جاستارعا مۇلدەم قىزىقسىز بولىپ قالادى», دەدى مەملەكەت باسشىسى قازاقستان حالقى اسسامبلەياسىنىڭ سەسسياسىندا.