بيىل العاش رەت اقتاۋ مەن وزبەكستاننىڭ ۇرگەنىش قالالارى اراسىندا اپتاسىنا 3 رەت قاتىنايتىن تۇراقتى رەيس ىسكە قوسىلدى, دەپ حابارلايدى Egemen.kz.
بۇل تۋرالى ماڭعىستاۋ وبلىسىنىڭ اكىمى نۇرلان نوعاەۆ وزبەكستان رەسپۋبليكاسىنىڭ اقتاۋ قالاسىنداعى باس كونسۋلى اتابەك تۇرسىنبەكوۆتى قابىلداۋ كەزىندە ايتتى.
«وزبەكستان رەسپۋبليكاسى مەن ماڭعىستاۋ وبلىسى اراسىنداعى سىرتقى ساۋدا اينالىمى بىلتىر 7,9 ملن اقش دوللارىن قۇرادى. ونىڭ ىشىندە ەكسپورت 672,6 مىڭ دوللار بولسا, يمپورت – 7,3 ملن دوللار. ماڭعىستاۋ وبلىسىندا ەكونوميكانىڭ ءتۇرلى سالالارىندا وزبەك كاپيتالىنىڭ قاتىسۋىمەن 84 كاسىپورىن تىركەلگەن. اۋە قاتىناستارىن دامىتۋ ماقساتىندا وسى جىلى العاشقى رەت اقتاۋ جانە ۇرگەنىش قالالارى اراسىندا اپتاسىنا 3 رەت جيىلىكپەن قاتىنايتىن تۇراقتى رەيس ىسكە قوسىلدى. سونىمەن بىرگە اپتاسىنا 3 رەت اقتاۋ-نوكىس قالالارى اراسىندا تۇراقتى رەيس بار», دەدى نۇرلان نوعاەۆ.
ايانا توعانبەك