حالىقتىڭ تابىسىن ارتتىرۋ باعدارلاماسىنىڭ جەتەكشىلەرى اتالدى

«بۇگىن مەملەكەت باسشىسى تاپسىرماسىنا سايكەس ازىرلەنگەن «حالىقتىڭ تابىسىن ارتتىرۋ» باعدارلاماسى تۋرالى باياندالادى. باعدارلاما ۇكىمەت قاۋلىسىمەن بەكىتىلدى. قۇجاتتا مەملەكەت باسشىسى قاسىم-جومارت كەمەل ۇلىنىڭ جاڭا قازاقستاندى قۇرۋ يدەياسىنا سايكەس ازاماتتاردىڭ ءال-اۋقاتىن ارتتىرۋ, تابىس تاپشىلىعىن جويۋ, جۇمىس ورىندارىن قۇرۋ مىندەتتەرىن شەشۋ جولدارى قامتىلعان», دەدى ۇكىمەت باسشىسىنىڭ ورىنباسارى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ونىڭ اتاپ وتۋىنشە, حالىققا قاتىستى باعدارلاماداعى ناقتى جوبالارعا قوعامعا تانىمال, ەلدىڭ ىشىندە وزىندىك ورنى بار ازاماتتار جەتەكشىلىك ەتەدى.

«ەلدار جۇماعازيەۆ - قوعام قايراتكەرى, اۋىل ادامدارىنىڭ تابىسىن ارتتىرۋعا جول اشاتىن «اۋىل تابىس كوزى» جوباسىنا جەتەكشىلىك ەتەدى. ساياسات نۇربەك - پارلامەنت ءماجىلىسىنىڭ دەپۋتاتى, جاستاردى ەكونوميكاعا قاجەتتى كاسىپتەرگە باۋلۋعا باعىتتالعان «ماماندىعىم – بولاشاعىم» جوباسىنا جاۋاپ بەرەدى. الماس جالي – «كرەاتيۆتى يندۋستريا» باعىتىنا جەتەكشىلىك ەتەتىن بولادى. ەمين اسكەروۆ – الەۋمەتتىك كاسىپكەرلىكتى دامىتۋ باعىتى بويىنشا جۇمىستاردى جۇرگىزەدى. ىرزا تۇرسىنزادا - قوعام قايراتكەرى, كوپبالالى انالاردى جۇمىسقا تارتۋ باعىتى بويىنشا «باقىتتى وتباسى» جوباسىن نۇر-سۇلتان قالاسىندا ىسكە اسىرادى. راحىم وشاقباەۆ - قوعام قايراتكەرى, باعدارلامانى اقپاراتتىق سۇيەمەلدەۋ جۇمىستارىنا جەتەكشىلىك ەتەدى», دەدى ەرالى توعجانوۆ.