قازاقستاندىق الەكساندر نەدوۆەسوۆ جۇپتىق سىندا ەشتوريل (پورتۋگاليا) ATP 250 ءتۋرنيرىنىڭ شيرەك فينالىنا شىقتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
قازاقستان تەننيسشىسى ايسام-ۋل-حاك كۋرەشيمەن (پاكىستان) بىرگە باستاپقى كەزدەسۋىن بوسنيالىق توميسلاۆ بركيچ – سەربيالىق نيكولا كاچيچپەن وتكىزدى.
ءبىرىنشى پارتيادا قازاقستاندىق-پاكىستاندىق جۇپ باسىمدىق تانىتتى – 6:2. ەكىنشىسىندە قارسىلاستارى ەسە قايىردى – 6:3. سۋپەر تاي-برەيكتە نەدوۆەسوۆ پەن كۋرەشي جەڭىستى ج ۇلىپ الدى – 10:4. ءبىر ساعات 20 مينۋتقا سوزىلعان ماتچتا قارسىلاستار 4 ەيستەن جاساپ, 5 برەيك-پوينتتىڭ ەكەۋىن پايدالاندى. نەدوۆەسوۆ – كۋرەشي جۇبى جارتىلاي فينالعا شىعۋ ءۇشىن جارىستىڭ 1-راكەتكالارى, ۇلىبريتانيالىق دجەيمي ماررەي – جاڭازەلانديالىق مايكل ۆينۋسپەن سايىسقا تۇسەدى.