قر پرەزيدەنت اكىمشىلىگىنىڭ جانە باتىس قازاقستان وبلىسىنداعى ءبورلى اۋداندىق ماسليحات دەپۋتاتتارىنىڭ كەلىسىمىمەن ءبورلى اۋدانىنىڭ اكىمى لاۋازىمىنا يحسانوۆ ەركەبۇلان نۇرەتدين ۇلى تاعايىندالدى, دەپ حابارلايدى Egemen.kz باتىس قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساپ.
ەركەبۇلان يحسانوۆ 1982 جىلى باتىس قازاقستان وبلىسىندا دۇنيەگە كەلگەن. ءبىلىمى جوعارى, 2003 جىلى باتىس قازاقستان گۋمانيتارلىق اكادەمياسىن ەكونوميست ماماندىعى بويىنشا جانە 2013 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىن مەملەكەتتىك جانە جەرگىلىكتى باسقارۋ ماگيسترى بويىنشا اياقتاعان.
ەڭبەك جولىن 2004 جىلى كازتالوۆ اۋدانىنىڭ حالىقتى الەۋمەتتىك قورعاۋ ءبولىمىنىڭ ءستاتيستى بولىپ باستادى. ءار جىلدارى باتىس قازاقستان وبلىستىق ەڭبەك جانە حالىقتى الەۋمەتتىك قورعاۋ دەپارتامەنتىنىڭ باس مامانى, وبلىستىق مادەنيەت باسقارماسىنىڭ قارجى-ەكونوميكالىق ءبولىمىنىڭ باس مامانى, وبلىستىق ەكونوميكا جانە بيۋدجەتتى جوسپارلاۋ باسقارماسىنىڭ باس مامانى جانە ءبولىم باسشىسى, ورال قالاسى قارجى ءبولىمىنىڭ باسشىسى قىزمەتتەرىن اتقاردى. 2016 جىلدىڭ تامىز ايىنان بەرى ءبورلى اۋدانى اكىمىنىڭ ورىنباسارى بولىپ قىزمەت ەتتى.
ايتا كەتەيىك, 2019 جىلدىڭ قىركۇيەگىنەن بۇگىنگە دەيىن ءبورلى اۋدانىنىڭ اكىمى لاۋازىمىندا بولعان ميرجان ساتقانوۆ كەشە, 26 ءساۋىر كۇنى ورال قالاسىنىڭ اكىمى قىزمەتىنە تاعايىندالعان بولاتىن. باتىس قازاقستان وبلىسى ورتالىعىنىڭ بۇرىنعى اكىمى ابات شىنىبەكوۆ وبلىس اكىمى اپپاراتىنىڭ جەتەكشىسى قىزمەتىنە اۋىستى.