اسكەردەگى الىمجەتتىك: ءا.قالبايدىڭ ولىمىنە كىمدەر كىنالى؟

مەكەنىندەگى 30212 اسكەري بولىمىنە شاقىرىلادى. الايدا كوپ ۇزاماي جاس جىگىت گوسپيتالدا كوز جۇمعان.

قورعانىس مينيسترلىگى تاراتقان رەسمي اقپاردا ساربازدىڭ تاڭعى ساپقا تۇرۋ كەزىندە ەسىنەن تانىپ قۇلاعانى تۋرالى ايتىلادى. «2022 جىلدىڭ 22 ساۋىرىندە گۆاردەيسك اسكەري قالاشىعىنداعى گوس­پيتالدا قاتارداعى جاۋىنگەر قال­باي الىبەك سالامات ۇلى قايتىس بولدى. تاڭەرتەڭ ساپتا تۇرعان جاۋىنگەر كەنەتتەن ەسىنەن تانىپ قالعان. اسكەري قىزمەتشىگە قاجەتتى مەديتسينالىق كومەك كورسەتىلگەنىمەن, ول ەسىن جيما­عان كۇيى قايتىس بولعان.

جاس جىگىت بيىل كوكتەمدە ماڭعىستاۋ وبلىسىنان مەرزىمدى اسكەري قىزمەتكە شاقىرىلدى. ساربازدىڭ ولىمىنە قاتىستى تەكسەرۋ جۇمىستارى باستالدى. قورعانىس مينيسترلىگىنىڭ باسشىلىعى مەن قارۋلى كۇش­تەر­دىڭ جەكە قۇرامى قالباي الىبەك سالامات ۇلىنىڭ تۋعان-تۋىستارى مەن جاقىن­دارى­نا قايعىرىپ كوڭىل ايتادى», دەلىنگەن رەسمي حابار­لامادا. بۇل مالىمدەمەنى الىبەكتىڭ دەنەسىن تۋعان اۋىلىنا جەتكىزگەن 30212 اسكەري ءبولىمنىڭ قىزمەتكەرلەرى دە قايتالاپ وتىر.

وسى ءبولىمنىڭ كومانديرى الماس دوسپاەۆ 22 ساۋىردە روتا تاڭعى استان كەلگەندە كازارما الدىندا ساپقا تۇرعانىن ايتادى. «سول كەزدە الىبەك ەڭ سوڭعى قاتاردا تۇرعان. باسى اينالىپ, ارتقا قاراي قۇلاپ ءتۇستى. العاشقى دارىگەرلىك كومەك كورسەتىپ, بىردەن مەدسانباتقا الىپ كەتتىك. با­سى­نىڭ نەدەن اينالعانىن بىلمەيمىز», دەيدى كوماندير.

الايدا, مارقۇمنىڭ تۋىستارى الىبەكتىڭ ولىمىنە كىنالىلەر بار ەكەنىن ايتىپ, ولاردىڭ زاڭ الدىندا جاۋاپ بەرۋىن تالاپ ەتىپ وتىر. مي­نيسترلىكتىڭ مالىمدەمەسىنە مۇلدە سەنبەي وتىرعان ساربازدىڭ جاقىندارى جاس جىگىتتى سوققىعا جىقتى دەپ سانايدى. تۋىستارىنىڭ ايتۋىنشا, الىبەكتىڭ اسكەرگە بارعىسى كەلمەگەن. بىراق 13 ساۋىردە اسكەرگە شاقىرىپ, مەديتسينالىق تەكسەرىستەن وتكىزگەننەن كەيىن ونى 18 ساۋىردە اسكەري بورىشىن وتەۋگە جىبەرگەن. الىبەكتىڭ تۋىسى دينارا تىلەسوۆا ونى باسىنان بىرنەشە رەت ۇرعانىن, دەنەسىندە كوگەرگەن ىزدەرى بارىن ما­لىمدەگەن. ءتىپتى, اسكەرگە بارعىسى كەلمەگەن جى­گىتتى 12-ءسى كۇنى ءماجبۇرلى تۇردە اسكەرگە كەتسىن دەپ الىپ كەتىپ, «ەگەر بارماساڭ سوتتالاسىڭ, بولماسا 3 ميلليون ايىپپۇل تولەيسىڭ» دەپ قور­قىت­قا­نىن دا ايتقان.

قازىر وسى قايعىلى وقيعاعا قاتىستى اسكەري بولىمدە تەكسەرۋ جۇرگىزىلىپ, ساربازدىڭ ءولىمى بو­يىنشا تەرگەۋ شارالارى باستالدى.

نەبارى 18 جاسىندا ءومىرى ۇزىلگەن الىبەكتىڭ اجالىنا كىمدەر كىنالى؟ اسكەردەگى باسسىزدىق قاشان توقتايدى؟ بەيبىت كۇندە اكە-شەشەسىنە تابىتپەن ورالعان ساربازدار ءولىمى اسكەردە نەگە تىيىلماي تۇر؟ قالباي اۋلەتىندەگى قايعىنى ەستىگەن قوعام قازىر وسى سۇراقتاردى وتكىر قويىپ ءجۇر. ال اسكەر قاتارىنا ەندى عانا قوسىلعان الىبەك انت تا قابىلداپ ۇلگەرمەگەن ەكەن. «قاڭتار قاسىرەتى» ارمياعا قاتىستى سانسىز ساۋال تۋىنداتىپ ەدى. ەلگە قورعان بولادى دەگەن اسكەريلەر  قاتارداعى ساربازدارىن قورعاي الماي وتىرعاندا,  حالىقتى قالاي قورعاماقشى؟ بۇگىنگىنىڭ باستى ساۋالى بۇل.