شىعىس قازاقستان وبلىسىندا كوكتەم شىققالى 200-دەن استام ادامدى, ونىڭ ىشىندە 80 بالانى كەنە شاقتى, دەپ حابارلايدى Egemen.kz.
شقو سانيتارلىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, كوكتەم شىققالى بەرى ەندەميالىق اۋماقتاردا 229 ادامدى كەنە شاقتى. ونىڭ ىشىندە 14 جاسقا دەيىنگى 80 بالا بار.
«كەنە ينفەكتسيالارىمەن اۋىرۋ جاعدايلارى تىركەلگەن جوق. كوپجىلدىق ەپيدەميولوگيالىق تالداۋ ناتيجەلەرى كورسەتكەندەي, وڭىردە بۇل اۋرۋدىڭ العاشقى جاعدايلارى مامىر ايىندا بايقالادى. اۋرۋدىڭ الدىن الۋ ماقساتىندا كەنە شاققان 201 ادام كەنە ەنتسەفاليتىنە قارسى يممۋنوگلوبۋلين الدى. قالعاندارى دارىگەرلەرگە كەش جۇگىنگەندىكتەن نەمەسە قارسى مەديتسينالىق كورسەتىلىمدەرگە بايلانىستى العان جوق», - دەلىنگەن حابارلامادا.
شىعىس قازاقستان بويىنشا كەنە ەنتسەفاليتىنىڭ تابيعي وشاعى – گلۋبوكوە, زايسان, التاي, كاتونقاراعاي, كوكپەكتى, ۇلان, شەمونايحا اۋداندارى مەن ريددەر, وسكەمەن قالالارىندا.
«بيىل كەنە شاعۋدىڭ ەپيدەميولوگيالىق ماۋسىمى وبلىستا كوكتەمنىڭ العاشقى ايلارىنداعى اۋا تەمپەراتۋراسىنىڭ سۋىق بولۋىنا بايلانىستى كەش باستالدى. سوندىقتان كەنە شاعۋ كورسەتكىشى وتكەن جىلعى كەزەڭمەن سالىستىرعاندا ءبىرشاما از», - دەلىنگەن اقپاراتتا.