بۇگىن «حالىقارالىق «قازاق ءتىلى» قوعامى» قوعامدىق بىرلەستىگىنىڭ تورالقا وتىرىسى ءوتتى, دەپ حابارلايدى Egemen.kz.
وتىرىستا قازاق ءتىلىنىڭ قولدانىس اياسىن كەڭەيتۋ, ونىڭ əلەۋمەتتىك احۋالىنا قوعامدىق باقىلاۋ ورناتۋ جانە مەملەكەتتىك ءتىل ارقىلى ۇلتتىڭ رۋحاني-مəدەني بولمىسىن ناسيحاتتاۋ, تىلدىك رەسۋرستاردى جەتىلدىرۋ, سونداي-اق قازاق ءتىلىن وقىتۋ بويىنشا ماسەلەلەر تالقىلاندى.
جيىن سوڭىندا ى.التىنسارين اتىنداعى ۇلتتىق ءبىلىم اكادەمياسى مەن «حالىقارالىق «قازاق ءتىلى» قوعامى» قوعامدىق بىرلەستىگى ءوزارا ىنتىماقتاستىق تۋرالى مەموراندۋمعا قول قويدى.
مەموراندۋمنىڭ ماقساتى – ء بىلىم بەرۋ ۇيىمدارىندا مەملەكەتتىك ءتىلدىڭ قولدانىس اياسىن كەڭەيتۋگە, شەتەلدەردەگى قازاق مەكتەپتەرىنىڭ پەداگوگتەرىنە ادىستەمەلىك قولداۋ كورسەتۋگە باعىتتالعان بىرلەسكەن جوبالاردى ىسكە اسىرۋ.
ءىس-شاراعا ءبىلىم جانە عىلىم ۆيتسە-ءمينيسترى عاني بەيسەمباەۆ, ءبىلىم جانە عىلىم مينيسترلىگى ءتىل ساياساتى كوميتەتىنىڭ توراعاسى ادىلبەك قاباەۆ, قر پارلامەنتى ءماجىلىسىنىڭ دەپۋتاتى, «حالىقارالىق «قازاق ءتىلى» قوعامى» قوعامدىق بىرلەستىگىنىڭ پرەزيدەنتى بەرىك ابدىعالي ۇلى, ى.التىنسارين اتىنداعى ۇلتتىق ءبىلىم اكادەمياسى پرەزيدەنتىنىڭ مىندەتىن اتقارۋشى مادينا تىنىباەۆا, ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى انار فازىلجانوۆا, قر تۇتىنۋشىلاردىڭ قۇقىعىن قورعاۋ كواليتسياسىنىڭ توراعاسى, ءبىلىم جانە يننوۆاتسيا ۇلتتىق پالاتاسى كەڭەسىنىڭ توراعاسى مۇرات ابەنوۆ جانە پارلامەنت دەپۋتاتتارى, قوعام بەلسەندىلەرى مەن ءتىل جاناشىرلارى قاتىستى.