ءبىلىم جانە عىلىم ءمينيسترى اسحات ايماعامبەتوۆ نۇر-سۇلتان قالاسىنداعى ەكسپو حالىقارالىق كورمە ورتالىعىندا ءوتىپ جاتقان كىتاپ جارمەڭكەسىنە باردى, دەپ حابارلايدى Egemen.kz.
«قازاق تىلىندەگى كىتاپتار سانى كوبەيگەنى قۋانتادى. اسىرەسە, بالالار ءۇشىن وتە قىزىقتى, زاماناۋي سۇرانىسقا يە كىتاپتار سانى ارتىپ كەلەدى. ءبىز بالالاردى كىتاپ وقۋعا باۋلۋ ماقساتىندا «وقۋعا قۇشتار مەكتەپ» رەسپۋبليكالىق جوباسىن ىسكە اسىرىپ جاتىرمىز. بۇل جوبا شەڭبەرىندە مەكتەپ كىتاپحانالارىنا ادەبي كىتاپتار ساتىپ الىندى, سونداي-اق كىتاپحانالار جوندەۋدەن ءوتىپ, ونىڭ جۇمىس فورماتى وزگەرتىلىپ جاتىر. مەن ءار مەكتەپكە بارعاندا ءدال وسى جوبانىڭ ىسكە اسىرىلۋىنا ەرەكشە كوڭىل بولەمىن. بارلىق مەكتەپ پەن كوللەدجدە بۇل جۇمىس جۇيەلى تۇردە جۇرگىزىلۋى كەرەك», دەپ اتاپ ءوتتى كورمەنى ارالاپ كورگەن بىلىم جانە عىلىم ءمينيسترى.