اتىراۋداعى ورتا مەكتەپتەردىڭ بىرىندە تۋبەركۋلەزدىڭ اشىق تۇرىمەن اۋىراتىن پسيحولوگتىڭ جۇمىس ىستەيتىندىگى انىقتالدى. بۇل دەرەكتى گازەت تىلشىسىنە اتىراۋ وبلىستىق تۇتىنۋشىلاردىڭ قۇقىعىن قورعاۋ باسقارماسىنىڭ ءبولىم باسشىسى اراي قايسەنعاليەۆا جەتكىزدى.
جالپى جۇرتشىلىق, سونىڭ ىشىندە مەكتەپ جاسىنداعى بالالار ءۇشىن وتە قاۋىپتى جۇقپالى دەرتكە شالدىققان پسيحولوگ جىل سايىن مەديتسينالىق تەكسەرىستەن ءوتىپ تۇرعان. تەك بيىلعى تەكسەرىستەن وتكەندە عانا تۋبەركۋلەزدىڭ اشىق تۇرىمەن اۋىراتىندىعى انىقتالعان. الايدا, پسيحولوگ جۇمىس ىستەگەن مەكتەپتە كارانتين جاريالانعان جوق. قازىر مەكتەپكە دەزينفەكتسيا جاسالعان. سونىمەن بىرگە, سىرقاتقا شالدىققان پسيحولوگپەن قارىم-قاتىناستا بولعان 114 قىزمەتكەر مەن 154 وقۋشى تەكسەرىستەن وتكىزىلۋدە. ويتكەنى, تۋبەركۋلەزدىڭ اشىق تۇرىنە شالدىققان پسيحولوگ جوعارى سىنىپتارعا ءوزىن ءوزى تانۋ پانىنەن دە ساباق بەرىپ كەلگەن ەكەن.
سونىمەن بىرگە, ماقات اۋدانىنىڭ ورتالىعى ماقات كەنتىندەگى ءبىر بالاباقشانىڭ جانە دوسسور كەنتىندەگى ەكى مەكتەپتىڭ اسحاناسىنان ىشەك تاياقشاسىنىڭ باكتەريالارى انىقتالىپ وتىر. مەكتەپتەر مەن بالاباقشاداعى سانيتارلىق جاعدايدىڭ تالاپقا ساي ەمەستىگىن انىقتاعان ماقات اۋدانىنىڭ پروكۋراتۋرا قىزمەتكەرلەرى 936 بالانىڭ قۇقىعىن قورعاپ قالدى. ءايتپەگەندە, وسىنشا بالا ىشەك تاياقشاسى باكتەرياسىن جۇقتىرۋى ابدەن مۇمكىن ەدى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.