پاكستان مەملەكەتىنىڭ بەلۋدجيستان پروۆينتسياسىنان ءوتىپ بارا جاتقان جولاۋشىلار پويىزىنىڭ ىشىندە جارىلىس ورىن الدى. بۇل تۋرالى Izvestia.ru حابارلادى.
جەرگىلىكتى پوليتسيانىڭ مالىمەتىنە قاراعاندا, پاكستان استاناسى كۆەتتادان راۆالپيندي قالاسىنا قاراي باعىت العان پويىز ۆاگوندارىنىڭ بىرىندە جارىلعىش زات ىسكە قوسىلعان. جارىلىستان كەيىن پويىزدىڭ ءۇش ۆاگونى ورتكە ورانعان.
پوليتسيا وكىلى مۋحامەد نازاردىڭ ايتۋى بويىنشا, جارىلىس سالدارىنان 12 ادام قازا بولىپ, 40 جولاۋشى جاراقات العان. وقيعانىڭ ءمان-جايى انىقتالۋ ۇستىندە.
ايدار ورىسباەۆ.
دەرەككوز: Izvestia.ru.
فوتو: Anspress.com.