ۇلتتىق ەكونوميكا ءمينيسترىنىڭ مىندەتىن اتقارۋشى تيمۋر جاقسىلىقوۆ «قر ۇلتتىق قورىنان 2022-2024 جىلدارعا ارنالعان كەپىلدەندىرىلگەن ترانسفەرت تۋرالى» قر زاڭىنا وزگەرىس ەنگىزۋ جونىندەگى» زاڭ جوباسىن تانىستىردى, دەپ حابارلايدى Egemen.kz.
«زاڭ جوباسىمەن ۇلتتىق قوردان كەپىلدەندىرىلگەن ترانسفەرت مولشەرىن 4 ترلن 30 ملرد تەڭگەگە دەيىن ۇلعايتۋ قاراستىرىلۋدا. جالپى قاراجات مەملەكەت باسشىسىنىڭ تاپسىرمالارىن ىسكە اسىرۋ ءۇشىن قوسىمشا قارجىلاندىرۋدى قامتاماسىز ەتۋ شەڭبەرىندە رەسپۋبليكالىق بيۋدجەتتىڭ تەڭگەرىمدىلىگىن قامتاماسىز ەتۋگە باعىتتالادى. جالپى ۇلتتىق قوردىڭ نىسانالى كورسەتكىشتەرى فيسكالدى شەكتەۋلەر شەگىندە ساقتالادى. قولداۋلارىڭىزدى سۇرايمىن», دەدى تيمۋر جاقسىلىقوۆ ءماجىلىستىڭ جالپى وتىرىسىندا.
زاڭ جوباسىن وتىرىسقا قاتىسقان 101 دەپۋتاتتىڭ بارلىعى ماقۇلدادى.