اتىراۋ وبلىسىندا تۇزەتۋ مەكەمەسىندەگى جوندەۋ جۇمىستارىنا بولىنگەن 322 ملن. تەڭگەنىڭ ۇرلانعانى انىقتالدى. بۇل تۋرالى وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى حابارلادى.
«ەڭبەك اتىراۋ» فيليالىنىڭ ديرەكتورى 2013 جىلدىڭ ناۋرىز-جەلتوقسان ايلارى ارالىعىندا كۇزەت ينجەنەرلىك-تەحنيكالىق قۇرالدارىنا كۇردەلى جوندەۋ جۇرگىزۋگە جانە تۇرعىن ايماق وبەكتىلەرىن وقشاۋلاۋعا بايلانىستى اتىراۋداعى ۋگ-157/9 مەكەمەسىمەن كەلىسىم-شارت جاساعان. الايدا, قۇرىلىس ماتەريالدارىنىڭ باعاسىن ءوسىرىپ, جوبالىق-سمەتالىق قۇجاتتاردى اۋىستىرۋ ارقىلى 322 ملن. تەڭگە كولەمىندە بيۋدجەت قاراجاتىن ۇرلاعان. وسى فاكتىگە بايلانىستى «ەڭبەك اتىراۋ» فيليالىنىڭ ديرەكتورىنا قاتىستى قىلمىستىق كودەكستىڭ 176-بابىنىڭ 3-بولىگىمەن (سەنىپ تاپسىرىلعان بوتەن م ۇلىكتى يەلەنىپ الۋ نەمەسە ىسىراپ ەتۋ) قىلمىستىق ءىس قوزعالىپ وتىر.
جولداسبەك شوپەعۇل.
اتىراۋ وبلىسى.
دەرەككوز: وبلىستىق دەپارتامەنت.
فوتو: bag.kz.