قازاقستان مەن قىرعىزستان اراسىنداعى تاۋار اينالىمى 2022 جىلعى قاڭتار جانە اقپان ايلارىندا $126,3 ملن-عا جەتتى. بۇل وتكەن جىلدىڭ ۇقساس كەزەڭىمەن سالىستىرعاندا 6,8% - عا جوعارى (118,2 ملن اقش دولل), دەپ حابارلايدى Egemen.kz ساۋدا جانە ينتەگراتسيا مينيسترلىگىنىڭ ءباسپاسوز قىزمەتىنە سىلتەمە جاساپ.
«قىرعىزستانعا ەكسپورتتىڭ قىسقارۋى تابيعي گاز جەتكىزىلىمىنىڭ 84,7%-عا نەمەسە 12 ملن دوللارعا تومەندەۋىمەن نەگىزدەلەدى. سونىمەن قاتار وڭدەلمەگەن نەمەسە جارتىلاي وڭدەلگەن التىن جەتكىزىلىمدەرىنىڭ ءوسۋى بايقالادى. وندا جونەلتىلىمدەردىڭ نەگىزگى تاۋارلارى - تەمەكى ونىمدەرى», دەلىنگەن حابارلامادا.
وسى ۋاقىت ارالىعىندا قىرعىزستاننان قازاقستانعا يمپورت 59,6%-عا ءوسىپ, 53,7 ملن دوللارعا جەتتى. مۇنى مۇناي ونىمدەرىن اكەلۋدىڭ ۇلعايۋىمەن تۇسىندىرۋگە بولادى. سونداي-اق باعالى مەتالداردىڭ كەنى مەن كونتسەنتراتتاردىڭ جەتكىزىلىمدەرىندە ءوسىم بار.