بۇل كۇندەرى قىزىلوردادا اۋىر اتلەتيكادان ەرلەر مەن ايەلدەر اراسىنداعى قازاقستان بىرىنشىلىگى ءوتىپ جاتىر. العاشقى جارىس كۇنىنىڭ قورىتىندىسى بويىنشا, ايەلدەر اراسىندا ەكى, ەرلەر باسەكەسىندە ءبىر سالماق دارەجەسىندە ەل چەمپيوندارى انىقتالدى.
ايەلدەر اراسىندا 45 كيلودا سىنعا تۇسكەن شىعىس قازاقستان وبلىسىنىڭ وكىلى الەكساندرا بەلەنكو ەكى جاتتىعۋدا 135 (59+76) كيلونى ەڭسەرىپ, باس جۇلدەنى ولجالاسا, 49 كيلودا قاراعاندى وبلىسىنىڭ سپورتشىسى داريا بالابانيۋك قازاقستان چەمپيونى اتاندى. ول قوسسايىستا 153 (70+83) كيلو زىلتەمىردى باعىندىردى.
ەرلەر باسەكەسىندە (55 كيلو) بىلتىرعى الەم جانە ازيا چەمپيوناتتارىنىڭ جەڭىمپازى ارلي چونتەي توپ جاردى. ول ەكى جاتتىعۋدا 236 (109+127) كيلونى باسىنان اسىرا كوتەرىپ, ءوز مىقتىلىعىن دالەلدەدى. شىمكەنت قالاسى اتىنان باق سىناعان ا.چونتەي تاشكەنتتەگى الەمدىك دودادا 260 كيلونى كوتەرگەن ەدى.