ماسكەۋدە قىلمىستىق ىزدەۋ ءبولىمىنىڭ كاپيتانى پارا الىپ جاتقان جەرىنەن قولعا ءتۇسىپ, 160 مىڭ ءرۋبلدى جۇتىپ قويماقشى بولدى. بۇل تۋرالى Lenta.ru حابارلادى.
اتالعان وقيعا بىلايشا ورىن العان. قىلمىستىق ىزدەۋ ءبولىمىنىڭ كاپيتانى ءوز اۆتوكولىگى ىشىندە 160 مىڭ رۋبل كولەمىندەگى پارانى جۇتىپ جىبەرۋگە ارەكەتتەنگەن. سول ساتتە ونىڭ ءىزىن اڭدىعان پوليتسەيلەر كولىكتىڭ تەرەزەسىن سىندىرىپ, ونىڭ قولىنداعى 160 مىڭ ءرۋبلدى الىپ ۇلگەردى.قازىرگى ۋاقىتتا كاپيتاننىڭ ءىسى پروكۋراتۋراعا جىبەرىلدى. ماسكەۋ پوليتسياسىنىڭ ءباسپاسوز قىزمەتى مالىمدەگەندەي, كاپيتاننىڭ ءىسى تەكسەرۋدەن وتكەن سوڭ ول پوليتسيا قاتارىنان شىعارىلادى.
وسىعان ۇقساس وقيعا 2011 جىلى ساراتوۆ قالاسىندا دا ورىن العان ەدى. ول كەزدە قۇقىق قورعاۋ قىزمەتكەرى 15 مىڭ رۋبل پارامەن قولعا تۇسكەن. الايدا, اقشانىڭ كولەمى از بولعاندىقتان ول ونى جۇتىپ ۇلگەرگەن. ءتارتىپ ساقشىسىنىڭ كىناسىن دالەلدەيتىن ايعاق زاتتار بولماسا دا سوت ونى جاۋاپكەرشىلىككە تارتتى. وعان 600 مىڭ رۋبل كولەمىندە ايىپپۇل سالىندى.
ايدار ورىسباەۆ.
دەرەككوز: Lenta.ru.
فوتو: Metronews.ru.