مەملەكەت باسشىسى قاسىم-جومارت توقاەۆ «مەملەكەتتىك اپپارات قىزمەتىن بيۋروكراتياسىزداندىرۋ جونىندەگى شارالار تۋرالى» جارلىققا دەر كەزىندە قول قويعانى بارشامىزدى قۋانتىپ وتىر. بۇل قۇجات حالىقتىڭ كوكەيىندەگى كوپ ءتۇيىننىڭ تارقاۋىنا سەپ بولادى ءارى تيىمدىلىگىمەن ەلدىڭ كوڭىلىنەن شىعادى دەپ سانايمىن. ويتكەنى حالىق ءار شەنەۋنىكتىڭ الدىندا تابانىن توزدىرىپ جۇرۋدەن تيتىقتادى. ازاماتتار قانداي دا ءبىر ماسەلەنىڭ قىسقا مەرزىمدە شەشىمىن تاپقانىن قالايدى. پرەزيدەنت بۇل جاعدايدان تولىققاندى حاباردار ەكەنىن دالەلدەدى.
ەل پرەزيدەنتى ءبىرشاما ۋاقىت بۇرىن جاڭا قازاقستاندى قۇرۋعا نيەتتى ەكەنىن مالىمدەگەنى بارشامىزعا ءمالىم. ال جاڭا سيپاتتاعى مەملەكەت قاي كەزدە دە ەلدىڭ كوكەيكەستى ماسەلەلەرىن نازاردان تىس قالدىرماۋى قاجەت. حالىقتىڭ سۇرانىسىن قاناعاتتاندىرۋ – ءبىز ايتىپ وتىرعان جاڭا قازاقستاننىڭ باستى مىندەتى. سوندىقتان دا وسى جارلىقتاعى نەگىزگى باسىمدىقتار جاڭا قازاقستاندى قۇرۋدىڭ العاشقى قادامدارىنىڭ ناقتى دالەلى دەۋگە ابدەن بولادى.
جارلىق مەملەكەتتىك اپپارات جۇمىسىنىڭ تيىمدىلىگىن ارتتىراتىنى داۋسىز. ءبىرىنشى كەزەكتە قازاقستان ازاماتتارىنىڭ شاعىمدارى مەن ۇسىنىستارى دەر كەزىندە قارالىپ, ۋاقتىلى شەشىمىن تاباتىن بولادى. ەلگە دە كەرەگى وسى. سالىستىرمالى تۇردە ايتاتىن بولساق, بۇرىن بۇل پروتسەسس وتە كوپ ۋاقىتتى العانى بارشاعا بەلگىلى. قۇجات اتاۋلى ءبىر قولدان ءوتىپ, ەكىنشى ءبىر قولعا جەتىپ, سودان كەيىن تاعى باسقا ادامداردىڭ قاراۋىنا ءتۇسىپ جاتاتىن. مۇنداي جاعداي ارينە, حالىققا ءتيىمسىز ەدى. ويتكەنى ازاماتتار التىنعا بەرگىسىز ۋاقىتىن ءار جەرگە ءبىر جۇگىرۋمەن جوعالتىپ جاتاتىن. ەندى پروتسەسس جەدەلدەتىلىپ, ءار كوشباسشى ماسەلەلەردى جوعارىعا جولداپ, قاراپ وتىرا بەرمەي, بەلگىلى ءبىر دەڭگەيدە ءوزى شەشە الادى. جارلىق سونىسىمەن دە جۇرتشىلىققا ىڭعايلى بولىپ تۇر.
ارينە, زايىرلى مەملەكەتتىڭ ءبىر قاعيداتى كەز كەلگەن پروتسەستى جەدەل شەشۋمەن بايلانىستى بولسا كەرەك. سول تۇرعىدان الىپ قارايتىن بولساق, جارلىق ءوز دەڭگەيىندە ورىندالعان كەزدە ءبىز ءوزىمىزدىڭ زايىرلى, قۇقىقتىق مەملەكەتتە ءومىر ءسۇرىپ جاتقانىمىزدى تولىققاندى سەزىنە تۇسپەكپىز. توقسان اۋىز ءسوزدىڭ توبىقتاي ءتۇيىنى سول, بۇل زاڭ ەڭ باستىسى, قازاقستان حالقىنىڭ كوڭىلىنەن شىعاتىندىعىنا سەنىمىم كامىل.
ەسبەرگەن الاۋحانوۆ,
قازاقستاننىڭ ەڭبەك سىڭىرگەن قايراتكەرى,
زاڭ عىلىمدارىنىڭ دوكتورى, پروفەسسور