وزبەكستاندا بالا تۋ كورسەتكىشىنىڭ رەكوردتىق ءوسىمى تىركەلدى

«2022 جىلدىڭ 1 ساۋىرىندەگى جاعداي بويىنشا رەسپۋبليكامىزدا 203,7 مىڭ بالا دۇنيەگە كەلدى. وتكەن جىلدىڭ سايكەس كەزەڭىمەن سالىستىرعاندا ءوسىم 13,4% قۇرادى», دەپ حابارلايدى وزبەكستاننىڭ مەملەكەتتىك ستاتيستيكا كوميتەتى.

ۆەدومستۆونىڭ مالىمەتىنشە, ءوز كەزەگىندە 905 211 ءسابي دۇنيەگە كەلگەن 2021 جىل ەل تاريحىنداعى رەكوردتىق جىل بولدى. تاۋەلسىزدىك العان 30 جىل ىشىندە وزبەكستاندا بالا تۋ كورسەتكىشى تورتتەن ءبىر ەسەگە ءوستى.

«وزبەكستاندا 2021 جىلى تۋعاندار سانى 1991 جىلمەن سالىستىرعاندا 25,1%-عا ءوستى», دەپ اتاپ ءوتتى مەملەكەتتىك ستاتيستيكا كوميتەتىنەن.

ەسكە سالا كەتەيىك, 1 ساۋىردەگى جاعداي بويىنشا وزبەكستان تۇرعىندارىنىڭ سانى 35,4 ميلليون ادامعا جەتكەن. جىل باسىنان بەرى حالىق سانىنىڭ ءوسۋ قارقىنى 0,5 پايىزعا ارتتى.

سونىمەن قاتار حالىق سانى كۇن سايىن ورتا ەسەپپەن 1,8 مىڭ ادامعا ارتىپ كەلەدى.