سۋديالار قىزمەتى جاڭا دەڭگەيگە كوتەرىلۋى ءتيىس

مەملەكەت باسشىسى نۇرسۇلتان نازارباەۆ جوعارعى سوت توراعاسى قايرات ءماميدى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋدە سوت تورەلىگىن ات­قا­رۋدىڭ قازىرگى كەزەڭدەگى جاي-كۇيى, سونداي-اق, سوتتاردىڭ قىزمەتىن ودان ءارى جەتىلدىرۋ جونىندەگى پەرس­پەكتيۆالىق مىندەتتەر تالقى­لاندى. نۇرسۇلتان نازارباەۆ سۋديا­لار­دىڭ سانى ارتقانىن جانە ولاردىڭ جۇمىسىن جاقسارتۋ ءۇشىن بارلىق قاجەتتى جاعدايلار جاسالعانىن اتاپ ءوتتى. وسىعان بايلانىستى مەملەكەت باسشىسى قازاقستاندىق سۋديالاردىڭ قىزمەتى الداعى ۋاقىتتا ساپالى جاڭا دەڭگەيگە كوتەرىلۋى تيىستىگىنە توقتالدى. جوعارعى سوت توراعاسى مەم­لەكەت باس­شىسىنىڭ VI سۋديالار سەزىندەگى تاپسىرمالارى­نىڭ ىسكە اسىرىلۋ بارىسى, سوت ءوندىرىسىن جەڭىلدەتۋ, سوت قىزمەتىندە تورە­شىل­دىك رەسىمدەردى ازايتۋ ءجونىن­دە جۇرگىزىلگەن جۇمىستار مەن ازا­ماتتاردىڭ قۇقىقتارىن قورعاۋدى كۇشەيتۋگە, سوت تورەلىگىن اتقارۋ ساپاسىن جاقسارتۋعا باعىتتالعان شارالار تۋرالى باياندادى. ق.ءمامي سوت تورەلىگىن اتقارۋ ۇدەرىسىنە ارالاسۋدىڭ الدىن الۋ, سونداي-اق, سوت بيلىگىنىڭ ءيميدجىن نىعايتۋعا باعىتتالعان وزگە دە ماسەلەلەردى قاراستىرعان, سوت بي­لىگىنىڭ تاۋەلسىزدىگى يندەكسىن كوتەرۋ جونىندەگى جوعارعى سوت ازىرلەگەن ءىس-شارالار جوسپارى تۋرالى حاباردار ەتتى. بۇدان بولەك, جوعارعى سوت ءتو­ر­اعاسى سوت تورەلىگىنە قولجەتىمدىلىكتى ارتتىرۋدى, ىستەردى قاراۋدىڭ سوت­قا قاتىسۋشىلارعا ىڭعايلى ءتارتى­بىن, ءبىتىستىرۋ ۇدەرىستەرىن كەڭى­نەن قول­دانۋ مەن زاماناۋي تەح­نو­لو­گيا­لاردى پايدالانۋدى قا­راس­تى­راتىن ازاماتتىق ءىس-ءجۇر­گىزۋ كو­دەك­سىنىڭ جاڭا جوباسىنا قاتىستى جۇ­مىس­تاردىڭ بارىسى تۋرالى باياندادى. كەزدەسۋ قورىتىندىسىندا مەم­­لەكەت باسشىسى ەلدىڭ سوت جۇيە­­سىن ءارى قاراي دامىتۋ جونىندە ءبىر­­قاتار تاپسىرمالار بەردى. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.