2022 جىلعى 1 ناۋرىزداعى جاعداي بويىنشا ەل حالقىنىڭ سانى 19 ملن 160 مىڭ 700 ادامدى قۇرادى, ونىڭ ىشىندە قالالىق – 11 ملن 405 مىڭ (59,5%), اۋىلدىق - 7 ملن 755,7 مىڭ (40,5%) ادام, دەپ حابارلايدى Egemen.kz.
ۇلتتىق ستاتيستيكا بيۋروسىنىڭ اقپاراتى بويىنشا, 2021 جىلدىڭ 1 ناۋرىزىمەن سالىستىرعاندا حالىق سانى 243,5 مىڭ ادامعا نەمەسە 1,3%-عا ءوستى.
بۇل رەتتە ايەلدەر - 51,4%-دى, ەرلەر - 48,6%-دى قۇرايدى.
«2022 جىلعى قاڭتار-اقپاندا رەسپۋبليكا حالقىنىڭ تابيعي ءوسىمى 2021 جىلعى قاڭتار-اقپانمەن سالىستىرعاندا (42,1 مىڭ ادام) 15,1%-عا تومەندەپ, 35,7 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 11,50 ادامدى قۇرادى», دەلىنگەن ۇلتتىق ستاتيستيكا بيۋروسىنىڭ دەرەكتەرىندە.
احات ورگاندارىنىڭ دەرەكتەرى بويىنشا 2022 جىلعى قاڭتار-اقپاندا تۋىلعاندار سانى 62,8 مىڭ ادامدى قۇرادى, بۇل 2021 جىلعى ءتيىستى كەزەڭگە قاراعاندا 4,5%-عا از (65,7 مىڭ ادام).
قايتىس بولعانداردىڭ سانى 27,1 مىڭ ادامدى قۇرادى, بۇل 2021 جىلعى قاڭتار-اقپانعا (23,7 مىڭ ادام) قاراعاندا 14,4%-عا ارتىق. ءولىم-ءجىتىمنىڭ جالپى كوەففيتسيەنتى 1000 ادامعا 8,70 ءولىمدى قۇرادى.
سونىمەن قاتار جىل باسىنان باستاپ ەكى ايدا 1 جاسقا دەيىنگى 537 شەتىنەگەن نارەستە تىركەلدى. وتكەن جىلدىڭ سايكەس كەزەڭىمەن سالىستىرعاندا (517 ءسابي قايتىس بولعان) بالالار ءولىمى 3,9%-عا ارتتى. نارەستەلەر ءولىمىنىڭ كوەففيتسيەنتى 1000 تۋىلعانعا 8,55 جاعدايدى قۇرادى.