قازاقستاندىق تەننيسشى مادريدتە توپ جاردى

دەنيس ەۆسەەۆ تۇركيالىق التۋگ چەليكبيلەكپەن بىرگە شيرەك فينالدا ۋرۋگۆايلىق مارتين كۋەۆاس, ارگەنتينالىق گيلەرمو ديۋرانمەن سىنعا ءتۇستى.

قازاقستاندىق-تۇركيالىق جۇپ 7:6 (7:2), 6:4 ەسەبىمەن جەڭىسكە جەتتى.

ءبىر ساعاتتان استام ۋاقىتقا سوزىلعان باسەكە بارىسىندا د.ەۆسەەۆ پەن ا.چەليكبيلەك 1 ەيس جاساپ, 9 برەيك-پوينتتىڭ ۇشەۋىندە باسىم ءتۇستى. قارسىلاستارى 5 ەيس, 2 برەيكپەن كوزگە ءتۇستى.

قازاقستاندىق-تۇركيالىق جۇپ فينالعا شىعۋ ءۇشىن جارىستىڭ ەكىنشى راكەتكالارى, برازيليالىق رافاەل ماتوس – يسپانيالىق داۆيد ۆەگا-ەرناندەسپەن تالاسادى.

ەسكە سالساق, بۇدان بۇرىن گەرمانيانىڭ ءبىرىنشى راكەتكاسى قازاقستانمەن ماتچتىڭ قيىنعا تۇسەتىنى تۋرالى ايتقانىن, الەكساندر بۋبليكتىڭ مونتە-كارلو ماستەرس ءتۋرنيرىنىڭ ءۇشىنشى اينالىمىنا شىعا الماعانىن جازعان بولاتىنبىز.

سونداي-اق قازاقستان – گەرمانيا ماتچىنىڭ جەرەبەسى تارتىلدى. قازاقستان قۇراماسى العاش رەت ايماقتىق دەۆيس كۋبوگىنىڭ جارتىلاي فينالىنا