سولتۇستىك قازاقستان وبلىسىندا بالىقتىڭ ۋىلدىرىق شاشۋىنا بايلانىستى 15 ساۋىردەن باستاپ شورتان, اققايران جانە كوكسەركەنى اۋلاۋعا تىيىم سالىندى, دەپ حابارلايدى Egemen.kz.
سقو پوليتسيا دەپارتامەنتى ءباسپاسوز قىزمەتىنىڭ مالىمەتىنشە, اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ بۇيرىعىنا سايكەس ەسىل باسسەينى سۋ قويمالارىندا بالىقتىڭ جانە باسقا دا سۋ جاندىكتەرىنىڭ ۋىلدىرىق شاشۋىنا, كوبەيۋىنە بايلانىستى ولاردى اۋلاۋعا تىيىم سالىندى.
15 ساۋىردەن 15 مامىردى قوسا العاندا شورتان, اققايران جانە كوكسەركەنى, 20 مامىر مەن 20 ماۋسىم ارالىعىندا سازاندى, تۇقى بالىعىن, 1 تامىزدان 14 قىركۇيەكتى قوسا العاندا گاممارۋستى, 1 ناۋرىزدان 15 ماۋسىمعا دەيىن ارتەمي تسيستالارىن, 1 ماۋسىمنان 15 شىلدەنى قوسا العاندا وزەن شاياندارىن اۋلاۋعا (اۋلاۋ, جيناۋ, دايىنداۋ) تىيىم سالىنادى.
سونداي-اق 20 ءساۋىر مەن 20 ماۋسىم ارالىعىندا اقمولا وبلىسى جانە سقو اياسىندا ەسىل, نۇرا, سىلەتى وزەندەرىندە جانە ولاردىڭ بارلىق سالالارى مەن قويمالارىندا بالىق اۋلاۋعا بولمايدى.
«ۋىلدىرىق شاشۋ كەزەڭىندە تابيعاتتى قورعاۋ پوليتسياسى مەن باسقا دا مۇددەلى ۆەدومستۆولاردىڭ بىرلەسكەن رەيدتىك ءىس-شارالارى كۇشەيتىلەدى. بالىق اۋلاۋشىلاردى زاڭناما تالاپتارىن قاتاڭ ساقتاۋعا شاقىرامىز. تىيىم سالىنعان مەرزىمدە بالىق اۋلاۋ ەرەجەلەرىن ورەسكەل بۇزعانى ءۇشىن قر اكىمشىلىك قۇقىق بۇزۋشىلىق تۋرالى كودەكسىنىڭ 383-بابىمەن جەكە تۇلعالارعا 20 اەك دەيىن, ءىرى كاسىپكەرلىك سۋبەكتىلەرىنە 250 اەك دەيىن ايىپپۇل سالىناتىنان ەسكە سالامىز», - دەيدى سقو پد جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.
جالپى جىل باسىنان سقو-دا قر اكىمشىلىك قۇقىق بۇزۋشىلىق تۋرالى كودەكسىنىڭ 383-بابى بويىنشا 86 ادام جاۋاپقا تارتىلدى.