حالىقارالىق دزيۋدو فەدەراتسياسى (IJF) انتاليادا وتكەن Grand Slam جارىسىنان كەيىن الەمدىك رەيتينگتى جاڭارتتى, دەپ حابارلايدى Egemen.kz Olympic.kz سايتىنا سىلتەمە جاساپ.
جاڭارتىلعان رەيتينگتە قازاقستاندىق دزيۋدوشىلار ىشىندە جانساي سماعۇلوۆ جوعارى ورىندا ورنالاسقان. ەرلەر اراسىندا 73 كەلىگە دەيىنگى سالماق دارەجەسىندە ول 10-شى ورىننان 7-ءشى ورىنعا كوتەرىلگەن. قازىرگى تاڭدا جانسايدىڭ ەنشىسىندە 2698 ۇپاي بار.
ايتا كەتەيىك, انتاليا تاتاميىندە 73 كەلىدە بەلدەسكەن ول جارىستى بەسىنشى ورىندا اياقتاعان بولاتىن.
ايانا توعانبەك